Esti final d’añu 2025 llega mas lliterariu y llibreru que nunca a Grau cola coincidencia de la publicacion de distintes obres d’autores y temes llocales que vienen a xunise a los talleres d’escritura creativa qu’entama la Conceyalia de Cultura.
Nel apartau lliterariu, el 19 d’avientu presentose’l llibru de cuentos «Los que hicieron el mundo» del moscon Pablo Gonzalez Garcia. A finales d’ochobre, l’Asociacion Cultural «Valentin Andres» presento el volume recopilatoriu del so XXXII Concursu Internacional y Escolar de cuentos. En payares, el Foru de Creacion y Llectura de la Biblioteca de Grau presento’l so segundu llibru, la novela «Troski enamorado» del escritor llocal Fernando Florez, ambientada amas nel conceyu moscon.
Esti colectivu va espublizar tamien a finales d’añu’l numberu 20 de la so revista de creacion lliteraria y plastica «Las Hojas del Foro», qu’axunta autores llocales en xeneros como la poesia, narrativa, ilustracion o la fotografia.
Una noveda importante nel panorama lliterariu ye la creacion d’una editorial nel conceyu, bautizada con un nome tan moscon como «Promaro», antiguu toponimu de la zona. Esta iniciativa editorial privada ta impulsada pola librera llocal Ana Rodriguez y l’editor Javier F. Granda, que ya presentaron en payares el so primer llibru «Poemas futuros» de Ceferina Montañes. Promaro pretende publicar tantu obres lliteraries como monografies llocales, cola intencion de reeditar testos clasicos como «Grado y su concejo» d’Alvaro Fernandez Miranda (1907).
