Lo que nel pasau foi una realida que marco la vida de munchos asturianos que vieron na emigracion una salida a la escasez de recursos que carecien diariamente, convirtiose güei nun alcuentru festivu al que Parres y la so redolada nun son ayenos.
La situacion de desequilibriu y escasez que se vivia n’Asturies derivada del antiguu rexime foi lo que fixo que se punxera tierra pel mediu en busca d’un futuru meyor pa tola familia. A esto sumabase tamien que dende 1835 el serviciu militar yera obligatoriu y munchos mozos preferien emigrar.
Anguano nun esiste en Parres nenguna familia que nun tenga ente los sos ancestros emigrantes a America. Una prueba d’ello apurrenla los Llibros de Quintas que recueyen la elevada cantida d’homes qu’al llegar el momentu del reclutamientu militar yá taben al otru llau del oceanu.
Esti heriedu indianu dexo buelga na arquiteutura del conceyu, con numberoses cases d’indianos que güei formen parte del paisaxe urbanu y rural de Parres.
