Si lo tuyo son les rutes tranquiles, ensin mucha pendiente y esfrutando del paisaxe, el paséu del Vinu en Cangas ye la to ruta, onde vas poder alcontrate colos curiosos viñedos del suroccidente d’Asturies y conocer la hestoria d’esta producción al traviés del muséu que s’alcuentra nel propiu paséu.
Esta ruta, d’una estensión aproximada de 5 quilómetros, principia dende l’Ayuntamientu de Cangas del Narcea, dende onde hai que dirixise pa la ponte romana (que realmente ye medieval). Dende ehí, unes indicaciones van llevate al propiu paséu, caleyando siempres a la vera del ríu Luiña. Al to pasu, vas ver nes fasteres una montonera de viñedos col que se fai el vinu DOP Cangas del Narcea. Selemente, vas dir averándote al barriu de San Tiso, el barriu conocíu por ser el del vinu. Equí, vas poder ver caún de los edificios coles bodegues de la producción del vinu, pero tamién vas poder conocer la hestoria de la producción vitivinícola al traviés del so muséu, qu’inclúi la visita a ún de los llagares y bodegas de vinu.
Tres realizar esta visita, si sigues escontra delante te atoparás con un paisaxe lleno de viñedos que en nada tienen que envidiar a los de la Toscana. En esta última parte finaliza la ruta, teniendo que volver por el mesmu camín por el que se vino. Ensin duda, una buena oportunidá pa brindar en asturianu y hacerlo col vino de Cangas.
- Conceyu
- Cangas del Narcea
- Sección
- Rutes
- Fecha
