Nel corazon de Mieres llevantase’l Centru d’Esperiencies Artistiques Pozu Santa Barbara, un espaciu que va mas alla de ser un simple edificiu. Ye un faru qu’alluma la rica hestoria y diversida cultural del conceyu. Esti centru, colos sos raiganos fondamente enraigonaos nel heriedu mineru d’Asturies, tresformose pa convertise nun puntu d’alcuentru vibrante pa les artes, la educacion y la comunida. D’esta manera, acueye en delles ocasiones conciertos, esposiciones, presentaciones o la «Bocamina», una recuperacion gastronomica del espaciu mineru.
El Pozu Santa Barbara (PSB) ye’l primer pozu mineru asturianu declarao cola maxima categoria de proteicion patrimonial, siendo catalogau dende l’añu 2008 como Bien d’Interes Cultural, BIC. Allugau en La Rebaldana, Turon, nel conceyu de Mieres, el PSB foi la primera gran esplotacion d’hulla na cuenca del Caudal y un de los mayores pozos mineros d’Asturies, y forma parte del destacau patrimoniu industrial y historicu d’un enclave del territoriu asturianu unicu tamien nel so patrimoniu natural y cultural. Esti espaciu ye mas qu’un pozu mineru, ye’l testimoniu vivu de la resistencia d’una comunida ante los desafios cambiantes de la so hestoria.
En septiembre de 2021 empezaron les meyores pa convertilu nun centru de referencia d’intervenciones artistiques contemporanees. El 15 d’ochobre d’esi mesmu añu abrio al publicu pa presentar la lluz solido del artista britanicu Anthony McCall. A esta intervencion siguirienlu Voladuras controladas, del artista asturianu Herminio (mayu de 2022) ya Inner Light, de l’alemana Regine Schumann (marzu de 2023).
Agora, de la mano del Llaboratoriu d’Electronica Visual, el centru inaugura la instalacion audiovisual Visual Bird Sounds d’Andy Thomas. Un proyectu de llargu percorriu y fuerte critica medioambiental nel que l’artista australianu presenta les sos «formes de vida sonores». Utilizando un llinguaxe visual iconicu, esta instalacion multipantalla va amosar nel PSB enganadores figures astractes feches al travies de la interpretacion d’algoritmos de motion graphics xenerativos de grabaciones sonores y fotografies d’aves recoyies en viaxes d’estudiu a habitats remotos de tol mundu. Inspirandose na guapura de la naturaleza, les sos estraordinaries composiciones visuales, formaes por enrevesaes capes, asemeyen propiedaes fisiques como fumu, liquidu o plantes que tan medrando que reaccionen al soniu.
Detras del proyectu atopamos una firme declaracion per parte del so creador del impactu de la tecnoloxia nel planeta y de como les meyores de la socieda tan afectando a los ecosistemes naturales. Ente les estenses espediciones que lleva faciendo l’artista dende va mas de diez años a delles de les selves tropicales mas antigues del mundu, esta instalacion va amosar el resultau del so trabayu de campu n’Amazones, Finlandia, Australia y Nueva Zelanda. Amas, n’esclusiva pa esta esposicion, va presentar pieces de nueva creacion basaes en cantos d’aves qu’habiten l’Espaciu Protexiu de les Cuenques Mineres d’Asturies, declarao como Paisaxe Protexiu y Zona d’Especial de Caltenimientu.
D’esta miente, el cantu de los canarios vuelve a la mina. Estos paxaros, que dieron historicamente la so vida pa salvar a los mineros, tornen al Pozu con esta intervencion artistica impulsada pola Conceyalia de Cultura que dirixe Rocio Antela, que pol so oficiu y raiganos familiares conoz bien lo que simbolizaron nes mines los canarios que detectaben l’inflamable gas grisu primero que pudiera producir una traxedia. La instalacion tresforma la hestoria en lluz envuelto en soniu, homenaxando’l cantu de les aves.
La chocante esposicion ta disponible dende’l 5 d’avientu hasta’l 28 de xineru los martes, miercoles, xueves y vienres de 16:00 a 20:30 hores. Los sabados, domingos y festivos camuda l’horariu y ye de 10:00 a 14:00 hores y de 16:00 a 20:30 hores. Amas, la entrada ye de baldre. ¡Nun pierdas la oportunida de conocer la mina onde espoxiga la cultura!
