Entrevista a Enar Areces

Enar Areces ye la cara visible del proyectu Puru Remangu, una marca de moda col asturianu como llingua vehicular y que ye un axente normalizador del idioma mui importante. Publicista de formacion, entamo’l so proyectu mientes trabayaba en Madrid, pero decidio puxar con fuercia y enfotu en Puru Remangu y desenvolvelo n’Asturies. Tres 5 años na oficina d’El Natahoyo (Xixon), ye una de les empreses referentes de la moda n’Asturies.

**Un llugar pa perdete una fin de selmana:** La N-637, percuérre la costa asturiana y ta enllena de pueblinos prestosos nos que parar a conocer, caleyar un poco y topar dalgun chigre del pais pa xintar curioso. Con suerte tamien pues averate a una sablera y date un bañin. El «island hopping» version asturiana.

**Un llugar pa vivir:** Cualesquier llugar que llende al norte col Cantabricu, al sur con Lleon, al este con Galiza y al oeste con Cantabria.

**Un platu:** Que me perdonen los amantes de la gastronomia patria, pero un buen ceviche peruanu, sushi, gyozes… ¡ipiérdenme!

**Un postre:** Casadielles d’hoxaldre de mio güelá Melita.

**Una sablera pa pasar el dia:** Anque seya casi imposible en branu, Torimbia paezme la meyor playa del mundu.

**Un pueblin que nun podemos dexar de ver:** La Güeria Carrocera, bien nomada pola xente del llugar «La pequeña Rusia».

**Un chigre pa tomar unos culinos:** Nun soi mui chigrera pero valme cualquiera qu’escancie la sidra a bon ritmu, nun nos pongan vasos de mas y tengan Páxara.

**Un parque natural pa visitar:** Nun se si ye mui natural, pero El Solaron bien merez una visita pa dase cuenta del espaciu que ye pa crear un buen parque con zones verdes, árboles, bancos, zona de xuegos, quioscos pa tomar café y sentase a lleer y tovia sobra espaciu.

**Una fiesta a la que nun faltar:** A ver, digo tres a les que nun faltar porque son distintes y prestoses a partes iguales. Les Cebolles rellenes en L’Entregu, fartura y folixa. Una Señora Fiesta, creo que tien tolo que me gusta. Y les fiestes del Cristu de Brañella, romeria de l’Asturies fonda y cultural a la que-y tengo un ciñu especial.

**Un museu pa recomendar:** Poblau mineru de Bustiello cola visita guiada de Maria Fernanda, ensin duldes.

**Un momentu de la hestoria d’Asturies que te prestaria vivir:** Cuando algamemos la oficialidá del asturianu.

**Una pallabra n’asturianu que te preste:** Munches, pero «remangu» diome munches coses buenes nesta vida.

**Una tradicion que nun pue perdese:** Les romeries de los pueblos, el baille la escoba, la corderada popular, les rifes y la xata la rifa, el chicolate con churros pa la reciella, les bandines, los grupos de baille…

**Una espresion n’asturianu que te preste:** Nun ye una espresion al usu, pero si ye una espresion de mio güelá: «a estes altures nun voi morrer col focicu apretau».