Asturies ye un territoriu onde puedes esfrutar de la práctica de munchos deportes, ente ellos los d’iviernu, conociendo llugares preciosos al traviés de la ñeve. Por eso, güei en VerAsturies queremos encamentate un plan pa la to visita a la nieve y que nun se t’escape nada.
Escuela Española de Esquí y Snowboard Fontes d’Iviernu
A la fin volvió la nieve a los montes y por fin podemos practicar lo que más nos gusta: los deportes d’iviernu. Pa eso, una bona opción ye la Estación Ivernal Fontes d’Iviernu, un llugar escelente pa practicar esquí y snowboard, yá seya pa empecipiate o pa perfeccionar la to técnica. La Escuela dispón de clases particulares y cursinos colectivos, que vas poder consultar y contratar dende la so páxina web. Amás, cuenta con alquiler de material y taquilles “a cuerpu de pistes”. Anguaño, sigue nevando y les pistes abiertes hasta’l momentu son 9 de les 15 disponibles: trés pistes verdes (Tonéu, Pequeñu Lloréu y La Yana’l Fitu), trés azules (Entesierras, Enllaz y Gorbizales) y trés coloraes (La Fuexa, Piornales y Bidules). En total, 5,6 quilómetros esquiaderos. Precisamente una d’elles ye la pista de iniciación mas llarga del Cordal Cantábricu, la Yana’l Fitu, que cunta con un percorríu de 2.133 metros, onde los esquiadores menos esperimentaos pueden esfrutar d’un percorríu espectacular. ¿Entá tas pensándolo? Anímate y te van recibir colos brazos abiertos n’unu de los paisaxes más guapos de Asturies pa facer deporte.
Dirección: Carretera del Puertu de San Isidro, s/n, Ayer, Asturies
Teléfonu: 985926587
Móvil y WhatsApp: 679663358
Restaurante La Figar
Seguro que, tres un llargu día esfrutando de los deportes de nieve en Fontes d’Iviernu, lo que más prúi ye enllenar l’estómagu con un comida esquisita y de gran sabor. Y pa eso tienes mui cerca d’ellí a Restaurante La Figar, concretamente na localidá de Cabanaquinta. Trátase un llugar afayadizu nel que poder folgar con un bon platu de comida na mesa y recordar los tos momentos del día ente la nieve. ufierta una cocina calidable basada en platos tradicionales, bien trabayaos y llevaos a l’actualidá. Cunten con menú del día, amás d’una cuidada carta con productos de primera calidá, ente los que nun falten carnes como’l chuletón, el gochucu, les paletiyes… Pero nós quedamos, ensin dulda, con una de les especialidaes de la casa: el corderu a la estaca, un platu tradicional deliciosu. ¡La to comida espérate en Restaurante La Figar!
Dirección: Cai Dr. Fleming, 2, Cabanaquinta, Ayer
Teléfonu: 985 49 43 47
Horariu: Martes a vienres de 9:00 a 1:00, sábaos de 11:30 a 1:00 y domingos de 11:00 a 00:00
Páxina web: lafigar.com
Apartamentos El Campal
Nada meyor pa zarrar una xornada na nieve que pasar la nueche nuna contorna incomparable, con unos paisaxes que paecen sacaos de postal y arrodiaos de nieve. Los Apartamentos El Campal tán allugaos en Felechosa, una de les zones más recomendables pa los amantes del deporte al campu, una y bones el complexu atópase a tan solo 12 kilómetros de la Estación Ivernal de Fontes d’Iviernu y del Puertu de San Isidro, un llugar únicu pa practicar deportes de nieve. Un llugar nel qu’amás d’esfrutar del esquí pueden practicase otres especialidaes, como la caza, la pesca, el senderismo, la esguilada…
Conformáu por catorce apartamentos turísticos, seis d’una habitación y ocho de dos, estos apartamentos tienen cocina, salón-comedor y habitaciones. La cocina ta perfectamente fornida con fornu, nevera, microondes, y tou tipu d’instrumentos. Les habitaciones pueden ser individuales, dobles, triples y unu de los apartamentos ta totalmente afayadizu pa persones con diversidá funcional. Los visitantes tamién tienen a la so disposición de barbacoa, cañicones, cenador y wifi gratis y van poder dir acompañaos de la so mascota. Amás, vas poder contratar distintes actividaes coles qu’aprovechar al máximu la so visita. ¡El to sitiu de descansu ta n’Apartamentos El Campal!
Dirección: Puertu de San Isidro, carretera, Felechosa (Ayer)
Teléfonu: 651 36 71 38
Páxina web: elcampal.com
