Falamos con Carla Armas

Carla Armas ye una compositora asturiana, pianista y cantante, campos nos que tien una bayurosa formacion academica y reconocimientos en premios. El so llabor dende va tiempu centrase nel mundu de la composicion, campu nel que tien trabayao en diferentes producciones de bandes sonores, cantares pop, rock, jazz… asina como musica de conciertu, y tamien como docente, poniendo clases de Composicion na Universidad Internacional de La Rioja. Anguano ta al frente de la so propia escuela d’arte (Dubidum) y forma parte del grupu Tras el muro, con quien esti anu llogro’l Premiu Camareta al Meyor Cantar.

**Un llugar pa perdese una fin de selmana:** Puertas, nel Conceyu de Llanes. Ye’l llugar onde pase tolos branos de cria y el pueblu de la mio familia materna.

**Un llugar pa vivir:** Crieme en La Calzada de Xixon y paezme’l meyor llugar del mundu pa vivir. Anguano toi n’Uvieu y tamien toi mui bien, llevo una escuela de musica nel barriu Fozaneldi y sientome como en casa, conque la mio respuesta ye que, como nun barriu d’Asturies, en nengun llau.

**Un platu:** Prestenme pola vida los tortos, ya dende rapaza, un platu tipicu de la contorna de Llanes.

**Un postre:** Les natielles de mio giela (nun se vienden, asina que nun les buscar nel Alimerka). Prestenme sobre manera pol carinu y esfuerciu que pon nelles pa faceles veganes pa min y pa los guah.es.

**Una sablera pa pasar el dia:** Cualesquier de les de Llanes, anque voi quedar cola de Po, polos bonos recuerdos que tengo d’elli. Cuando ta la marea alta ye tal qu’una piscina, cuasi ensin foles, pero cuando baxa… llevate la corriente.

**Un pueblin que nun podemos dexar de ver:** Puertas, por supuestu. Ye un llugar pa nun s’aburrir: tenemos mar, monte, praos, viesques, y una montonera playes en tola redolada que paga la pena visitar.

**Un chigre pa tomar unos culinos:** Mira, esto va per temporaes, porque si m’entrugaren va unos anos diriate qu’El Lavaderu, de Xixon, onde pase mui bonos ratos. Pero agora que vivo n’Uvieu, paro per Gascona, peles sidreries de Teatinos y tamien pela Kupela, un chigre que ta xunto a la escuela que dirixo.

**Un parque natural pa visitar:** Sientolo muncho, pero nun voi ser orixinal: Los llagos de Cuadonga, por supuestu.

**Una fiesta a la que nun faltar:** El segador, en Puertas. Celébrase pa finales d’agostu, y ye una fiesta na que se xunten tolos vecinos pa comer nos Bufones. Nun tien una gran tradicion, de munchos anos, pero ye una celebracion perguapa, que siempres me trai bonos recuerdos y tamien senarda, polos que ya nun tan.

**Un museu pa recomendar:** Tampoco voi dar sorpreses: el Museu del Pueblu d’Asturies. Inda que tamien me gustaria mencionar el MUFA, del que destacaria la so tremenda orixinalida. Hai xente n’Asturies mui creativo…

**Un momentu de la hestoria d’Asturies que te prestaria vivir:** Uf, ye complicao. Cuasi tolos momentos nos qu’Asturies sal na hestoria fueron abondo traumaticos, sobre manera los episodios mas recientes, del sieglu XX (ochobre del 34, la Guerra Civil…).

**Un baille pa pasalo bien:** Quiero mas sostener chaquetes que baillar, pero d’escoyer un quedo col Pericote, mas que nada polo bien que lu baillaba mio madre, lo mal que lu cantaba mio bisaguelu y lo muncho que me prestaba a min velos a los dos.

**Una pallabra n’asturianu que te preste:** «Caxigalines». Ye lo que decia mio madre cuando me daba un regalin sorpresa de cria.

**Una tradicion que nun pue perdese:** Nun se si ye tradicion exactamente pero… les fiestes de prau.

**Una espresion n’asturianu que te preste:** «Al platu vendras, arbeyu…»