Festival de la Mazana de Villaviciosa, historia y tradicion

Villaviciosa ye capital mazanera y, como nun podia ser d’otra manera, organiza un festival al rodiu del frutu que tantu simbolismu tien n’Asturies y, especialmente, na Comarca de la Sidra, onde podemos alcontrar el conceyu maliayu. El Festival de la Mazana de Villaviciosa ye un eventu con bien d’historia qu’entama a apaecer nes cais de la villa nel anu 1960 y qu’anguano tien llugar cada dos anos, los impares, cuando la cosecha ye mas abundante. El responsable de too ello foi Sergio Alvarez Requejo, direutor de la Estacion Pomoloxica de Villaviciosa naquella domina, col envis de promocionar la mazana y la sidra. El festival garro tanta importancia que de magar l’anu 1992 ta declarau como Fiesta d’Interes Turisticu del Principau d’Asturies.

Nesti anu 2023, el Festival de la Mazana de Villaviciosa vuelve a la villa maliaya, llegando a la 36 edicion. Elli, vamos poder alcontrarnos con una montonera de propuestes pa tolos publicos al rodiu de la sidra y de la mazana. Esposiciones, tasties, talleres o’l tradicional mercau, protagonizau por productos de proximida, productos ecoloxicos, Alimentos del Paraisu y otros productos protexios por IXP y DOP, amas d’Artesania d’Asturies.

Na celebracion del eventu van facese dos concursos: el XXXVI Concursu-esposicion de mazana de mesa y mazana de sidra y el XVI Concursu de mayores plantaciones d’Asturies 2023. Nesti ultimu, amas d’escoyer les tres meyores plantaciones, van facese dellos reconocimientos al meyor cultivu tradicional de mazanal, a la meyor plantacion de Villaviciosa y a la meyor plantacion de cultivu ecologico de mazanal. D’otra manera, nel concursu-esposicion van escoyese les meyores mazanes acoyies dientro de la DOP Sidra d’Asturies, mazanes de mesa y conservacion de variedaes de sidra en xeneral. Paga la pena asistir a dambos concursos y conocer el productu que naz de la nuesa tierra. Xunto a ello, va facese’l XXX Campeonatu d’Escanciadores, puntuable nel Concursu Oficial d’Escanciadores d’Asturies. Tou un espectaculu sidreru.

L'Apple Day en Villaviciosa

Amas, aprovechando la fecha, celebrase tamien l’Apple Day. Si en 1990 nacia en Londres l’Apple Day, dellos anos antes, en 1960, ya se creara en Villaviciosa’l Festival de la Mazana, y dende entos denomose a Villaviciosa como la Capital Manzanera d’Espana, n’atencion tamien a la so importante produccion de mazana y de sidra.

El Dia de la Mazana tien los sos raigonos nes munches y variaes celebraciones culturales en tol mundu nes que se rinde homenaxe a la mazana, y anguano celebrase en distintes feches y de formes diverses en dellos paises del mundu, onde esiste tradicion de produccion y consumu. Los dos principales son el Dia Internacional de comer una mazana, que se celebra’l tercer sabadu de setiembre, y el Dia Internacional de la Mazana (Apple Day), que se celebra’l 21 d’ochobre.

L’Apple Day foi empecipiau pola asociacion Common Ground el 21 d’ochobre de 1990 con un eventu en Covent Garden de Londres, y celebrase en cada anu posterior, hasta l’actualida en que se celebren mas de 600 eventos en tol Reinu Xuniu. Esta iniciativa utilizo la mazana como simbolu de la diversida fisica, cultural y xenetica. Al venceyar les variedaes de mazanes col so llugar d’orixe, pretendese que la cultura del so cultivu seya reconocida y caltenida pola so contribucion al calter distintivu llocal, incluyida la rica diversida de vida montesa que sofita.

D’esta manera, col desenvolvimientu del Festival de la Mazana coincidiendo coles feches d’esta celebracion internacional, ponse a la villa maliaya nel mapa. N’ochobre, Villaviciosa esperate!