Esta ruta singular fecha pa la construcción de la canal del saltu d’agua de la Central de Poncebos tien dos circunstancies favorables: l’escasu impactu exercíu sobre’l paisaxe y, lo que ye más importante, l’apertura del camín a la vera de la canal nos tramos más complicaos del escobiu.
Pa averase a esti espaciu natural, el de mayor guapura de los Picos d’Europa, tenemos como epicentru a Caín, a la entrada del escobiu del Cares. La so comunicación normal yera con Valderón, onde aportaben per un camín d’arriería. Los cainexos teníen dos rutes pa pasar a Asturies: A Cangas pol enriscado senderu del Collau Tornu, a salir a la Canal de Trea, al altor de Cuarroble, más o menos a la metá: d’ellí enriba, hasta Ariu y por Les Reblagas. La Rendondiella, Belbín y el Cantu de Texeu, per dellos caminos onde se llega a distintos llugares del Valle d’Onís.
Güei el camín del Cares nos acerca al vivir de unas gente que too se lo debían al campo exiguo, en un facer constante pa arrancar a la naturaleza los donles que les brindaba nos huertos colgaos de la pequeña, nos mayaos nos llugares más enriscaos onde se vice en lo vertical, na «ruta del cielo», como decía un enamoráu montañeru (Ángel Marías), conocedor como nadie de esti mundu de canales, coteres, llambries y que en sos escritos recoge el patéticu mensaje de una naturaleza convulsa y la vida de unos hombres que del esfuerzo hacían un hábito y del riesgo una obligación.
