Nos montes de Cabrales, onde la borrina afalaga los praos y el tiempu paez avanzar al ritmu de la naturaleza, les muyeres son centenaries, artesanes del quesu mas emblematicu d’Asturies y guardianes d’una manera de vida qu’aguanta frente a los cambeos. El so llabor foi y ye fundamental na identidá d’esti territoriu.
Nesti documental, el conceyu de Cabrales afonda na hestoria de seis muyeres trabayadores que desenvolvieron tola so vida, o a lo menos la parte mas importante d’ella, nesi territoriu: Esperanza Campo, Cristina Garcia, Guadalupe Gomez, Juana Alonso, Jessica Lopez y Rocio Bueno.
Rocio Bueno ye una quesera orixinaria d’Asiegu. Xunto al home, Pablo Ruiz, tecnicu n’esplotaciones ganaderes y agropecuaries, decidio revitalizar l’actividá quesera familiar n’Asiegu, un llugarin cabraliegu d’unos 65 habitantes. En 2019, fundaron la Queseria Asiegu, convirtiendose na primer y única queseria de Cabrales certificada como ecoloxica, amas de ser la primera ellaboradora n’España de quesu azul ecoloxico de lleche crudo de vaca. En 2020, la Queseria Asiegu llanzó la so primer produccion de quesu Cabrales ecoloxico, etiquetando 160 pieces que casi se escosaron al momentu, reflexando l’alta demanda y aceptacion del so productu innovador. El llabor de Rocio Bueno foi fundamental pa la economia llocal d’Asiegu como mediu pa contribuyir a la revitalizacion del pueblu y al caltenimientu de les tradiciones queseres d’Asturies.
Jessica Lopez ye la encargada de la Queseria Main, nel pueblu de Sotres. La so dedicacion y esfuerzu llevola a ser la primer muyer en presidir el Conseyu Regulador de la Denominacion d’Orixe Protexida Quesu de Cabrales, cargu qu’asumio en 2014. La Queseria Main produz al rodiu de 12.000 quilos de quesu Cabrales al añu, esportando’l 40% a paises como Estaos Xunios, Mexico, Inglaterra y Alemaña. Amas, cuenta con 60 cabres pa la ellaboracion de los sos productos.
Juana Alonso ye una quesera de Carreña de Cabrales que sigue una tradicion familiar na ellaboracion del quesu Cabrales. Siguiendo los pasos de les güeles, Juana y Bernarda, y de so padre, Agapito Alonso, Juana caltuvo viva la tradicion quesera na familia. La hestoria de Juana Alonso y la Queseria La Llosa exemplifica l’enfotu y la dedicacion na preservacion de les tradiciones queseres de Cabrales.
Guadalupe Gomez ye la dueña de La Tienda Nueva, nel centru d’Arenas de Cabrales. Fundada en 1988, consolidose como una tienda variada qu’ufierta una amplia gama de productos, incluyendo souvenirs, artesania, ferreteria y materiales de construccion. Ye tantu’l númberu de productos que tien que los y les cabraliegues dicen que… ¡Si nun lo tien La Tienda Nueva nun lo tien naide!
Esperanza Campo ye una de les propietaries del Chigre El Carteru, un establecimientu emblematicu asitiau nel pueblu de Tielve. Xunto a la so hermana Eloina, Esperanza conserva la tradicion culinaria asturiana nesti chigre al travies de platos tipicos qu’encanten mesmo a llocales qu’a visitantes. Ente les sos especialidaes destaquen la fabada asturiana, el cabritu y los tortos.
Cristina Garcia ye la propietaria de Casa Manolo, un chigre-tienda asitiau na carretera xeneral d’Hortigueru. La so dueña caltuvo la esencia de lo que tien de ser un chigre-tienda: la tradicion y l’ambiente afayadizu que caracteriza estos establecimientos n’Asturies.
Esti documental ye un homenaxe a elles: muyeres fuertes, trabayadores y apasionaes, que supieron combinar la herencia de los sos antepasaos cola mirada puesta nel futuru. Porque la hestoria de Cabrales nun puede entendese ensin la hestoria de les sos muyeres.
