La Vía Crucis Viviente de L’Infiestu, asitióse como una de les celebraciones más destacaes y orixinales de la Selmana Santa asturiana.
Dende el añu 2013 , la compañía de teatru piloñesa «Ensin reparu» protagoniza el famosu Vía Crucis Viviente. Ha teníu 6 ediciones que han ido creciendo y mejorando añu tres añu. La edición del añu 2020 tuvo que suspenderse debíu a la crisis actual del coronavirus.
Se compone de trescientos figurantes, que inclúin actores, músicos y figurantes. Les actuaciones siempre tán acompañaes de la asociación musical piloñesa «de la Fuente«, encargaos de poner banda sonora a esti eventu. Nes últimes ediciones ha aumentando considerablemente el númberu de figurantes ya que numeroses persones del conceyu se interesan en participar. Amás, el párroco de L’Infiestu, ún de los impulsores del Vía Crucis, cuenta nel Comercio que un amplio grupu de Madrid tán interesaos en participar activamente nes representaciones.
Destaca el decoráu de los escenarios así como el vestuariu que llevan los figurantes ya que son mui realistes. Por esti motivu, cada añu se exponen estos trajes na Casa de Cultura «Marqués de Vistalegre» xunto con numeroses fotografíes realizaes por fotógrafos profesionales de la zona.
La Vía Crucis represéntase durante dellos díes y en distintos escenarios de la capital piloñesa, coincidiendo colos díes y acontecimientos más importantes de la Selmana Santa. Dalgunos de los fechos que se representen son La Última Cena, La oración de Jesús nel güertu de los Olivos o la muerte de Jesús.
Los organizadores d’esti eventu amuésense bien contentos pola acoyida que tuvo mientres los últimos años esta representación que cada vez cunta con mayor arribación de públicu y reconocencia. Esperamos que’l próximu añu’l COVID dexe que podamos volver esfrutar d’esti espectáculu con munches mas ganes si quepe.
