Yera perimportante nun ser reconocíos nun entamu. Al acabar el dia, nel llar-yos esperaba una xinta especial con bones fabes, garbanzada y lo mas importante: frixuelos, ensin dulda el platu estrella del antroxu.
Nel martes d’antroxu, tornaben les mazcaraes tamien con una bona xinta al atapecer qu’invierte la persistente y obligada vida ascetica de los campesinos en cuantes a la comida. Nel Antroxu hai fartures a esgaya y comese lo meyor y mas valorao de la casa. Non en vano, sabemos que n’asturianu antroxar significa que, amas de «correr l’antroxu», «comer abondo».
Pero esta interesante inversion de roles nun ye namas pa la comida. Al antroxase, los campesinos disimulen y cambien la identida y el rol (de xeneru, de poder, de prestixu…), y mostraben un rechazu al orde afitan socialmente a base de cambiar de sitiu les portielles, los preseos, los carros…
L’Antroxu conviertese nuna fiesta transgresora na que los papeles sociales xueguense y son variables. Toos podemos sometenos a les regles del xuegu del disfraz, de la transgresion festiva. Un tiempu estraordinariu nel que lo cotidiano suspende temporalmente les sos normes y lo imposible faise realida. La fiesta del Antroxu ye un espaciu de lliberta onde la risa, la satira y la critica social atopen el so llugar, una valvula d’escape que les comunidaes rurales asturianes supieron caltener viva al traviés de los sieglos.
