Col branu y los atardeceres infinitos, munches veces pensamos en esfrutar de les puestes de sol, pero nun sabemos ónde verles. Por eso, güei en VerAsturies te traemos tres llugares nes que esfrutar de les meyores puestes de sol.
Mirador de Pimiangu, una puesta de sol inolvidable n’Asturies
Un llugar únicu nel oriente d’Asturies pa esfrutar de una bonita puesta de sol ye Pimiangu, nel conceyu de Ribadeva. Ellí, nel mirador y ante la inmensidá del horizonte, podrás esfrutar de la belleza de los últimos minutos del sol n’Asturies, que se funden colos Picos d’Europa, la Sierra del Cuera y el mar Cantábrico.
La puesta de sol de Xixón
Anque haya quien diga que nun, los atardeceres urbanos son mui bonitos, como en Xixón. Son varios los llugares dende los que puedes esfrutar de esti espectáculo, pero nosotros nos quedamos cola puesta de sol dende sitios tan icónicos como La Lloca y el Rinconín, el cerro de Santa Catalina o dende alguna de les escaleres de la playa de San Llorienzo y la Cuesta del Cholo tomando alguna botella de sidra. Tamién tienes la opción de caminar hasta el parque de Los Pericones, onde la afluencia de gente ye menor y se respira tranquilidá ente el verde de los árboles.
El Cabo Vidio, desconectar con una puesta de sol
El Cabo Vidio, en Ouviñana, ye un llugar perfecto pa esfrutar de los últimos minutos de sol del día. Frente a la mar y colos múltiples bancos asitiaos frente a los cantiles, son munchos los que se acercan a esti llugar a esfrutar del atardecer. Amás, tamién existe un pequeñu chiringuitu, así que podrás tomar daqué mientres disfrutes de esti espectáculo natural.
