Los meyores productos naturales de Nava

La seronda trai consigo dellos productos bien importantes pa calecenos y preparanos pal friu iviernu cuando ta a piques de llegar. Esos productos que munches vegaes los antiguos celtes recoyien con esmeru a sabiendes de que yera la ultima oportunida del anu pa panar comida. Y ye bien conocio que si hai un conceyu n’Asturies nel qu’esos productos de la seronda son sinonimu de bona calida y pa rellambese, esi ye Nava. Esti conceyu perteneciente a la Mancomunida de la Sidra vien curiando los productos de la seronda cuantaya, ya inclusive nestos tiempos tan desconcertantes que tamos viviendo, Nava sigue sofitando la produccion y recoyida d’estos productos tan bonos, saludables y, sobre too, naturales.

Una amuesa d’ello son les ablanes de Nava, consideraes d’alta calida, y que s’esporten a llugares d’Europa como Francia, Inglaterra o dellos llugares del este. Y ye qu’en Nava lleva aprovechandose’l frutu de l’ablana dende tiempos bien antiguos. Esti frutu yera protagonista de bien de mitos y tradiciones celtes venceyaes cola seronda, sobremanera pa les feches de la nueche d’Animes. Y ye que les tribus astures creien que les almes de los muertos taben zarraes nelles, y qu’al abriles, estes lliberabense. Por eso ye una comida tipica d’estes feches. Tamien se consideraba que tenia cualidaes especiales contra les culiebres.

D’unos sieglos mas p’aca, en Nava foi comun la figura de les «ablaneres», que vendien ablanes bien riques a los guah.es, amas de carambelos y otres llambionaes. Nun podemos escaecer que dalgunos de los dulces mas tipicos d’Asturies usen ablanes de Nava.

Otru frutu bien curiau en Nava na seronda son les castanes. Nun conceyu onde l’amor pola naturaleza, lo casero y les caseries, los castaneos yeren bien importantes. Nun habia caseria que nun tuviere un o dellos castaneos zarraos con una muria. Estos solien tar nos llugares mas emprunos y ruinos de la caseria, anque tamien habia castanales sueltes a la vera de los praos. Esto demuestra dafechu que la castana lleva siendo dende va munchu tiempu un elementu fundamental de la dieta campesina d’Asturies y mas concretamente de Nava.

Asociau al consumu de castanes ta siempres l’amaguestu, una folixa bien prestosa onde los amigos y les families xuntense comiendo castanes y sidra del duernu o sidra dulce. ¡Y onde va sabese mas de sidra qu’en Nava! El conceyu sidreru d’Asturies por escelencia nun dexo nunca atras estes variedaes tan de la seronda y que tanto-y presten a los guah.es. La sidra del duernu ye una varieda que debe’l so nome a la escudiella que lo recueye na mayada. Ye’l zusmiu de les mazanes estrayio al esprimise nes maseres de los llagares ensin tener enta nengun procesu de fermentacion. Pela cueta, la sidra dulce si tien dalgun iniciu de fermentacion, polo que tien una pequena cantida d’alcohol, anque mantien una mayor proporcion d’azucre.