Luis Felipe nació en Cangues d’Onís, aunque dende bien mozu treslladose a vivir a Xixón onde entamó los estudios que lluéu continuó pol mundu. Como Pablo Neruda y cantara a Joaquín Murieta, él tmabié creció ensin mundu y foi el so propiu dueñu. La so vida tuvo, y tá entovía, pero ya fora de los partíos, dedicá a la llucha política y social y el su enfotu siempre foi dar voz a los más desfavorecíos y oprimíos. Tamién se dedica al cine documental y al dibuxo pero, sobretou, sigue siendo un críu de Cangues.
Un llugar pa perdese una fin de selmana…
Pásolo tan per bien en tantos sitios que dicir un solu nun me presta, Nos Oscos, en n,el conceyu d,Amieva o n,el de Ponga, en Cabrales y Sotres, en Vegadeo, pol Sueve…
Un llugar pa vivir…
Xixón ensin dudalo.
Un platu…
De pescau, ventrisca de bonito, y tamién la lubina que tos los años me fae Miguel Cantalejo un vieyu collaciu de CC.OO. De caza, los platos que me prepara Nati, la madre de Javierín, na Romía, y, por supuestu, la fabada, les paelles que me fae el mi «hermanu» Juanjo en Perán, en xeneral soy de bon comer y valme casi tó.
Un postre…
Les natilles que facía mio madre y el arroz con lleche de Maryan.
Una playa pa pasar el día…
La Griega en Colunga.
Un pueblín que nun podemos dexar de ver…
Llastres, recordando siempre a Chicago y Tamborín y a tantos otros que, ya, nun tan.
Un chigre pa tomar unos culinos…
Bar El tribunal en Pola Lena.
Un parque natural pa visitar…
Los Picos y, anque nun pertenezca, pero ta al llau. La Mota Cetín, un llugar per importante en mio vida, y el mirador en Amieva, dende el que se ven los picos, mio tatarabuela contabai a mio madre un dichu que a ella y había contao so guela, y mio madre contábamelo a mi, falamos entós d,daqué que tien, por lo menos, trescientos años: «Nos picos siempre la ñeve se vió y cuando nun se vió toa la xente morrió»
Una fiesta a la que nun faltar…
Les Piragües, pero hai tantes…
Un muséu pa recomendar…
El Pueblu d,asturies en Xixón y un montón dellos más, pequeños pero mui prestosos pa ver.
Un momentu de la hestoria d’Asturies que te prestaría vivir…
En toavía nun llegó.
Un baille pa pasalo bien…
La danza prima y como llugar El Valpa, en Luanco, que ya nun esiste.
Una pallabra n’asturianu que te preste…
Hai munches pero si solo pueo escoyer una Orbayu.
Una tradición que nun pue perdese…
Les fiestes de prau, pero no solo les verbenes, e perguapu «la jira» con tou el mundu, poniendo manteles y comiendo n,el prau.
Una espresión n’asturianu que te preste…
Espresión marinera «dir a devalu» de la mina «dame tira» en general «echar un pigazu»,
