Mercau ecologicu de Raices, onde s’esparde lo natural

El consumu de productos ecoloxicos ta n’aumentu. Prueba d’ello ye la cantida d’hortolanos que se decanten por apostar por esti negociu. Los meses de primavera y branu son los meyores pa poder comprobar la bayura agroalimentaria qu’amuesen estos productores llocales que trabayen los sos productos dende un puntu de vista dafechu ecologicu.

La iniciativa pretende poner en valor el comerciu de proximida y sofitar a los pequenos comerciantes y artesanos de la contorna d’Asturies. Ente les propuestes d’esta edicion va poder atopase fruta, verdura y hortoliza ecoloxico, setes, pan, embutios, cosmeticos naturales, hidromiel o artesania, ente munches otres posibilidaes. Les feches del Mercau Ecologicu y Artesanu previstes pa esta temporada son los sabados 15 de xunetu, 19 d’agostu, 16 de setiembre y 21 d’ochobre.

Na edicion d’esti anu 2023 los puestos que vas poder alcontrar na contorna del Monesteriu de la Merce son: Cooperativa Catasol / Finca agroecoloxica (Castrillon), Guerta La Curtia (Castrillon), Labioruta S.L. / Productos ecoloxicos (Castrillon), Libelula Guerta (Aviles), Guerta La Figal (Corvera), Guerta La Enredadera (Corvera), La Guerta Joyana (Illas), Shiit-Astur (Miranda), Queseria Asiegu (Cabrales), Ablana Cosmetica Natural (Cabranes), Kiwin Bio (Xixon), Obrador Sison (Xixon), Embutidos artesanos El Remediu (Nava), Hidromiel La Zangana (Santu Adrianu), AGRECOAstur (Siero), Taller ceramico Charo Cimas (Villaviciosa), Kikiricoop (Cabranes), Guerta La Sal de la Tierra (Gozon), CantamisinaEco (Sariegu) y Renastur Asturceltica (Teberga).

Iniciatives como la del Mercau Ecologicu y Artesanu de Raices son les qu’alluguen nel mapa a esti conceyu como un territoriu que puxa pol comerciu de cercania y proximida, col enfotu de consolidar esi bien comun, de cuidanos y d’afitar redes collaboratives ente la nuesa xente. Un de los finxos fundamentales ye reconstruyir el texu social y economicu dende una perspectiva llocal. Arriendes de participar de la dinamizacion economica del conceyu, dase puxu a un mou d’entender los intercambios comerciales d’una manera muncho mas sostenible y segura. Ensin falta de facer desplazamientos innecesarios. Porque lo ecoloxico ye, a la fin, salu. Tanto pa nos como pal conceyu de Castrillon.