La hestoria de l’aviación nun ye daqué de lo que se fale frecuentemente y, amás, tradicionalmente foi un desempeñu lleváu a cabu por homes. Sicasí, hai muyeres asturianes que rompieron con esta cuestión. Trátase de Gloria Cuesta y María Bernaldo de Quirós y vamos conocer la so hestoria.
Tamos seguros de que nomes como Amelia Earhart, pionera de l’aviación estadounidense, te suenen más, pero equí, n’Asturies, tenemos a nuesa pionera, y esa ye Gloria Cuesta, que llueñe de contentase colos derechos de les muyeres en tierra, llanzóse a conquistar los del aire. Gloria Cuesta nació en La Felguera nel añu 1911 y en casándose (datu a tener en cuenta yá que les muyeres nun podíen desempeñar ciertos empleos en contrayendo matrimoniu) foi la primer muyer n’España en consiguir el títulu d’Aviación Civil.
Por otra parte, María Bernaldo de Quirós sería otra de les pioneres asturianes nel aire, y ye que esta muyer, que anque yera madrileña tenía ascendencia asturiana, logró ser la primer piloto castellana nel añu 1928, dando so primer vuelo n’Asturies en agosto del añu 1929, con varios viaxes ente Uviéu y Xixón.
Gloria Cuesta y María Bernaldo de Quirós son dos casos más de la recurrente llucha de les muyeres polos sos derechos que, a día de güei, siguen reclamándose.
- Conceyu
- Quirós
- Sección
- Curiosidaes
- Fecha
