La sidra foi y sigue siendo unu de los emblemes mas reconocibles de Nava. La so posicion privilexada nel corazon d’Asturies y una tradicion que se remonta sieglos atras converten al conceyu en capital de la sidra asturiano. Una reconocencia que se sofita na organizacion d’unu de los eventos mas prestixosos vencellaos a esta bebora autociona: el Festival de la Sidra de Nava, nel que s’escueye al meyor echador de sidra del pais.
Pero la pasion alredor del mundu de la mazana va muncho mas alla. La capital del conceyu acueye’l Muséu de la Sidra d’Asturies nun territoriu nel que s’asitien dalgunos de los llagares mas reconocíos de la comunida. Y por ello, la sidra ye tamien protagonista na hosteleria del conceyu. Nava cunta con mas d’una docena de restoranes nos que, xunto cola comida tradicional asturiana, la bebora autociona ye protagonista. Cada primavera, en comuña col restu de conceyos de la Comarca de la Sidra, los establecimientos del conceyu celebren les xornaes gastronomiques de Platos a la Sidra. Un fin de selmana al añu nel que carnes, pexes y mariscos apaecen nel universu de la sidra con recetes que nun dexen indiferente a naide.
El restu del añu nes sos meses tampoco nun falten dalgunos de los platos mas representativos de la gastronomia asturiana, como la fabada, el pote y el cachopu. Tampoco nun falta la carne de caza, bien enraigonada nel conceyu.
El comerciu ye otru de los pegollos sobre los que se sofita la economia naveta. El conceyu dispon de tolos servicios necesarios nel dia a dia de los sos vecinos, cola calida, la cercania y l’atención personalizada como señes d’identida. El comerciu de Nava ta vivu y demuestralo trabayando en comuña pa ufiertar lo meyor a los sos veceros. Tiendes d’alimentacion, artesania, centros d’estetica… Un esfuerciu colectivu por crear valor que se materializa na Asociacion de Comerciantes y Empresarios del conceyu de Nava, qu’acaba de llanzar la campaña «Si lo hai en Nava, merculo en Nava». Toa una declaracion d’intenciones pa ufiertar tolo que vecinos y visitantes necesiten.
