El conceyu de Quiros, allugau nel centru-sur d’Asturies y a namas trenta quilometros del centru asturianu, axunta tola esencia de l’Asturies mas natural y cuenta amas, con un de los referentes culturales mas desconocios de la industria decimononica asturiana.
El Muséu Etnograficu de Quiros (MEQ), inaugurose nel anu 2010 con un plantegamientu museograficu anovador qu’envuelve al visitante nunes instalaciones xeneroses y con amplies zones verdes qu’arropen el percorriu.
Ta allugau sobre los restos arqueoloxicos d’unos antiguos altos fornos de fundicion creaos en 1868 pola Compania Minas de Quiros. El patrimoniu oral, d’induldable valor cultural, ye un elementu mui presente nos testos del MEQ, que tan escritos na varieda quirosana de la llingua asturiana.
Gran parte del so territoriu atopase nel Parque Natural de Les Ubiñas-La Mesa, polo que’l conceyu cunta con recursos hestoricos y naturales bien recomendables. Na mesma instalacion del muséu atopase la oficina municipal de turismu.
