Ruta a Banduxu
Distancia: 10 kms aprox. dir / tornar
Desnivel: 300 metros
Duracion: 4 h dir / tornar
Llugar: Proaza
Dificulta: facil
Recomendaciones: Intentar evitar epoques de lluvies, ya que la piedra del camin ye esbariadizo. Nun ye senderu homologau.
Nos Valles del Osu, nel conceyu Proaza, atopamos l’aldea de Banduxu, considerada como’l pueblu medieval meyor conservau n’Asturies. Ta claro qu’en parte pola mor de la so inaccesibilida, ya qu’hasta los anos 80 del sieglu XX nun esistia carretera, polo que la unica via de comunicacion yera esta calzada medieval que güei vamos percorrer.
Pa entamar la ruta tenemos que dirixinos en direccion Trubia, pela AS-228 travesamos Proaza y al llegar al cruce de Caranga Baxu xiramos a la drecha siguiendo pela AS-228 alredor de 1,5 quilometros. Un poconin mas alantre y xunto a una senal indicadora del Puertu Ventana y Samartin de Teberga, al rodiu del quilometru 21, podemos dexar el coche.
A pocos metros, frente a la marquesina de la parada del autobus, travesamos el riu Teberga per una ponte de formigon, accediendo a la sienda l’Osu. Xiramos a la drecha como si volvieremos pa Caranga y en malpenes 40 metros atopamos un cartelu que pon «Banduxu, camin medieval», esti ye’l puntu d’iniciu de la nuesa ruta.
El regatu Valmauru va acompananos bona parte del camin, y mui pronto vamos llegar a la Foz, que comparte nome col regatu, y ehi ye onde vamos entamar a esfrutar de la caprichosa orografia que tallo’l riu.
A lo llargo del senderu vamos atopar hasta seis pontes. Tres la segunda podemos ver como’l camin se fai cada vegada mas pindiu y empezaremos a dexar atras los perguapos tabayones que chisquen la foz, mientres vemos como’l valle entama a abrise. Esti ye’l puntu perfectu pa fixanos na cantida d’especies que tenemos presentes nesta zona: guapos exemplos de carbayos y castanales arrodiando los caminos y siendes, pero tamen otros como l’ablanal, l’umeru o la borrachinal, qu’anque ye planta tipica mediterranea, nestos valles del Osu de naturaleza silicea atopa un microclima mui favorable pal so desarrollu.
Mientres xubimos pel camin empedrau resulta increyible pensar que hasta fai poco mas de venit anos, esti senderu tovia s’utilizaba per parte los vecinos pa llevar al ganau a les feries cercanes de Proaza o Teberga.
Ya na parte mas abierta del valle, onde la sienda se retuerce una y otra vegada en forma de zigzag, podemos ver Banduxu a lo llone. Esisten munchos retratos y semeyes d’esta aldea, sobre manera a consecuencia de la promocion turistica, pero nenguna d’elles ye comparable a la imaxe qu’unu tien cuando xube pel camin medieval.
Un poco mas alantre recibenos el primer barriu del pueblu, La Molina, con unes guapes vistes de la Sierra Marabiu al fondu. Pero’l premiu al nuesu esfuerzu ye poder callejear polos barrios que formen esta aldea: La Molina, El Palaciu, Entelailesia, La Reguera, El Campal y El Toral.
Entamanos el camin de vuelta, agora cola imaxe frente a los nuesos güeyos de la Sierra l’Aramu, onde podemos ver al fondu l’antena del Picu Gamoniteiru.
Nun hai qu’escaecer qu’esti pueblu foi la primer capital del conceyu Proaza. Amas, esisten documentos de los sieglos VIII y IX que conseñen la so importancia reconociendola como villa o llugar venceyau a la socieda feudal. Del so valor y senoriu naz el famosu refran:
«En Banduxu canta l’uxu, en Traspiena la rapiega, y baxando pa Caranga la miseria puñetera»
