Corria l’añu 2005 cuando una riestra de rapazos decidio recuperar na parroquia de San Felix de Valdesoto los ancestrales Sidros y Comedies. D’entos p’aca lleven faciendose 19 ediciones del Domingu de Sidros y Comedies. Nin la pandemia pudo con esta manifestacion cultural que foi declarada BIC el 7 de xunu de 2019.
El personaxe del sidru procederia, segun la teoria del historiador Juan Uria Riu, de los ritos de los pueblos primitivos, «onde los miembros de la cla buscaben bien la proteicion del animal totemicu, amarutandose coles sos pieles, o la fecundida de les persones». El nome de guirriu ye mas xeneral nel restu d’Asturies como, por casu, en Ponga, pero en Siero y Bimenes conozselos por sidros. Sobre la procedencia del nome hai delles teories: segun Constantino Cabal, la pallabra guirriu procede del llatin GUERRIR ‘saltar de gozu, retozar’, en clara referencia a una de les sos funciones. Sicasi, pa Fausto Vigil procede del euskera OGUERRIA, que significa «Navida». El mesmu Fausto Vigil considera que los sidros (entendiendo por talos el conxuntu formau polos sidros y la comedia) son l’ultimu esllabon de los autos sacramentales que se representaben nes ilesies y, dempues, fuera d’elles. Juan Uria camienta que’l so orixe ta nes celebraciones de los pueblos primitivos. Segun otra consideracion, y mitoloxicamente falando, el guirriu sedria la reencarnacion de los vieyos mitos griegos y romanos del Silvan, del Faunu y del Busgosu, escorriendo a les muyeres pa dexales embarazaes.
Dientro de la tradicion de les Comedies, tenemos d’estremar delles domines:
La primera, con un entamu desconociu, y que llega hasta cuasi’l final del sieglu XIX. Nella representen obres d’autores anonimos, de calter popular y tradicional, y tresmitíes oralmente de padres a fios y de xeneracion en xeneracion.
La segunda domina trescurre dende finales del sieglu XIX hasta 1936, onde se representen obres d’autor, principalmente de Jose Noval «Siero», con unos personaxes que pueden considerase fixos y unes representaciones con plantegamientos similares. La llegada de la Guerra Civil y la posterior prohibicion del antroxu fueron les culpables de la desapaicion d’estes manifestaciones culturales.
La tercera domina, qu’empieza a mediaos de los años cincuenta del sieglu pasau y llega hasta 1991, caracterizase polos intentos de distintos autores como Luis Rodriguez «Asaura» o Nieves Noval pa recuperar estes representaciones, pero siempres con un esitu relativu porque s’estendien en curtios espacios de tiempu. Mas alantre, un grupu de mozos de La Rasa propunxeron recuperala otra vegada y pa ello cuntaron cola collaboracion inestimable de «Asaura», que fuera a lo llargo de los años el nexu d’union pa que nun se perdiera dafechu la tradicion.
La cuarta y ultima domina foi la de la recuperacion total, que se fixo nel añu 2005 en Valdesoto y que se caltien hasta güei.
La Comedia taba integrada por actores varones, que representaben a distintos personaxes acompanaos polos sidros, de los que tomen el nome. Nun solia haber mas d’una en cada parroquia y los domingos de finales y principios d’añu diben pelos pueblos vecinos, procurando nun coincidir dos grupos nel mesmu pueblu. Paez que los sidros de mas sonadia en Siero yeren los d’Areñes y La Rasa (Carbayin) y Valdesoto. Tenemos noticies de que tamien hubo sidros en Bimenes y grupos de guirrios en Llangreu y Samartin del Rei Aurelio (L’Agüeria, Sotrondio) que, de la mesma forma, percorrerien los pueblos y parroquies de la redolada y de los conceyos vecinos.
Estes comedies nun tenien escenariu fixu; cualesquier llugar onde hubiera espectadores sirvia. Yera frecuente’l representales nel campu de la ilesia, a la salida de misa, o delantre de los chigres que pagaben la comedia. Les representaciones duraben alredor de media hora y constaben d’un actu unicu: cauna de les entraes y salies de los personaxes marcaba les socesives escenes. Nes intervenciones malapenes hai dialogo, sinon que lo qu’atopamos son mas bien monologos, qu’enllacen colo anterior y lo posterior per aciu d’entrugues y respuestes. Al rematar la representacion, los comediantes recoyien el dineru que-yos daba’l publicu y col qu’entamaben una bona cena pa toos. En Siero, les representaciones llegaben hasta’l dia de Reis, nel que toles comedies de la zona allegaben a Valdesoto, onde tres d’un concursu ente los sidros pa ver quien saltaba mas alto, comenzaba la representacion de la comedia del sidru que ganara’l saltu.
