Tazones, una villa pa vivir la mar

Tazones, una villa pa vivir la mar

Lo mas destacable d’esta pequena y guapa villa marinera ye la so arquiteutura popular. Podemos distinguir tres tipos principales d’edificaciones: viviendes populares, cases con corredor y construcciones venceyaes a les actividaes agricoles.

Mayor importancia dientro del conxuntu urbanu tienen les viviendes de dos plantes, cola vivienda na planta baxa y la galeria nel pisu altu. Estos corredores, construyios en madera y protexios con aleros, son un elementu arquiteutonicu mui caracteristicu de l’arquiteutura popular na marina asturiana. Como datu interesante, les construcciones agricoles, güei, malapenes son visibles dientro del conxuntu urbanu, ente los que rescampla l’asitiau xunto al puertu, nel barriu San Roque.

El puertu de Tazones caltuvo a lo llargo de la so hestoria una dura competencia col puertu de Villaviciosa. Por embargu, a partir de 1885 el puertu recibio un notable impulsu colos estudios encargaos al inxenieru Jose Lequerica p’ameyorar les instalaciones, un puxu que traera consigo, a entamos del sieglu XX, l’establecimientu d’una pequena fabrica de conserves de salazon na llocalida.

Como exemplu tamen de l’arquiteutura popular, conservase en Tazones un pequenu molin fariñeru asitiau cerca del riu, enantes de llegar a les primeres cases.

Les fiestes mas populares y meyor conocies son les que se celebren el 16 d’agostu n’honor de San Roque. En Tazones tamen s’organiza nel so honor y nel de la Virxe del Carme una pintoresca procesion en barcu.

Per munchu tiempu, el pequenu puertu de Tazones foi senalau como’l llugar onde en 1517 desembarco l’emperador Carlos I nel so primer viaxe al so Reinu. Pola mor d’ello, a la fin de mes d’agostu, la llocalida celebra una recreacion de la so llegada, fiesta declarada d’Interes Turisticu.

Pero lo meyor de Tazones ye vivir l’ambiente marineru autenticu, un dia cualesquier del anu, aprovechando pa prebar la inmensa ufierta gastronomica del pueblin.