La tradicion del maiz convirtio los molinos nuna autentica industria onde se tresformaba’l granu en farina. Farina qu’entro con fuerza nes cocines asturianes, convirtiendose nun ingrediente fundamental de la llariega. Faciase pan, farrapes, tortos… asau na chapa de les cocines de llena o dientro de fornos especiales p’amagostar.
La esfoyaza
La esfoyaza yera una xera comunal na que los vecinos axuntabense pa desfoyar el maiz. Convertiase nuna autentica fiesta onde nun faltaben los cantares, la musica de gaites y panderetes nin la sidra. Una tradicion que sigue viva anguano en munches zones rurales d’Asturies, onde la folixa vivese acompanada de productos tradicionales asturianos.
L'amaguestu
Na gastronomia propia de la seronda, l’amaguestu ye una de les cites mas esperaes. Castanes asaes al fueu, sidra duce y bona compania son los ingredientes principales d’esta celebracion que tien llugar nos meses d’ochobre y payares. Los mas nuevos esfruten tiznandose la cara cola ceniza de la foguera, mentanto los mas vieyos recuerden otros tiempos al calor de les brases.
Les xornaes gastronomiques de la seronda ya iviernu
Llega’l friu y toca entrar en calor llenando l’estomagu. La bayura de productos que tien Asturies nestos meses vas poder esfrutala en forma de xornaes pa los mas fartones. Los Pimientos Rellenos en Blimea celébrense dende l’anu 1970 nel conceyu de Samartin del Rei Aurelio, con musica en directo, concursu gastronomicu y posterior entrega de premios. La Matanza d’Amieva y Altu Seya, declarada d’Interes Turisticu Rexonal, convirtio platos como la sopa de fegadu, el pote de berces, la borona prenada, les manes de gochu, les dureces, la llingua estofada o’l llombu tostau en verdaderos clasicos del iviernu gastronomicu asturianu, especialmente en zones de monte y aldea.
- Conceyu
- Amieva · San Martín del Rey Aurelio
- Sección
- Xintar y beber
- Fecha
