Un percorriu pela Cueva del Sidron
Pilona cunta con una de les cueves con mas restos de neandertales de la Peninsula Iberica.
Hai cueves que paecen iguales a otres, nun se diferencien cuasi por nada (pinganexos asemeyaos con formes mas o menos caprichoses que dexen a la imaxinacion la so asociacion con una pantasma, con una corona, con un rebectu, con una botella… hai pa tolos gustos). Pero tamen hai cueves mui especiales y esta, la d’El Sidron, en Pilona, ye una d’elles.
Seis anos dempues de que cuatro espeleologos xixoneses descubrieran en 1994 dos caxaes humanes, entamo una investigacion que supunxo un enantes y un dempues nel nuesu conocimientu sobre l’Homo neanderthalensis na Peninsula Iberica.
El complexu karsticu de la Cueva d’El Sidron desarollose nel senu d’un macizu predresu d’eda paleoxena formau por conglomeraos caliares bien cementaos ente los que s’entrepolen niveles d’arenisques y magres arenosos menos resistentes. Internamente (endokarst) estructurase en cuatro niveles con una directriz principal esti-oeste, que se xeneraron segun progresaba l’encaxamientu de la rede fluvial que gobierna los procesos d’espeleoxenesis (formacion de cuévanos) y controla la so evolucion temporal:
Un nivel cimeru, el mas vieyu, cercanu a la superficie y esmantelau en parte pola evolucion del relieve exokarsticu, esto ye, del paisaxe esterior.
Un primer nivel entemediu formau por un complexu sistema de galeries.
Un segundu nivel entemediu, nel que l’exe principal constitui la Galeria Principal (o Galeria del Riu) y los sos tributarios tresversales, como la Galeria de la Güesera.
Un nivel inferior activu, en rexime mayoritariamente freaticu, accesible namas en puntos bien concretos del cuevanu.
Los restos humanos d’El Sidron constitúin la coleccion mas completa y abondosa de restos neandertales de la Peninsula Iberica. El so valor cientificu y documental ye descomanau. Recuperaronse mas de dos mil restos ente los que quedaron cuatro mandibules completes, tres maxilares, una montera de dientes, fragmentos craniales y distintos güesos del tueru y de les estremidaes.
El bonu tao de fragmentacion de los restos oseos y la circunstancia de qu’apaecieren recubiertos por una costra estalagmitica xenero que se precisaren trabayos previos de preparacion y llimpieza. Por motivos de conservacion la cueva nun ye visitable, pero esiste una esposition que permite conocer tolos secretos d’esti maraviyosu espaciu.
