Beatriz ye una de les cares mas reconocies nes folixes d’Asturies y con mas siguidores nes redes sociales. Tres 16 anos en solitariu col so acordion, en 2015 forma’l Grupu Beatriz, con 5 componentes y un camion escenariu col que percorrieron ya toa Asturies y otros territorios. Esti anu saca’l so decimu discu.
Un llugar pa perdese una fin de selmana
L’Aldea Soñada, un llugar maxicu con hotel rural enllenu de detalles guapos y un paisaxe espectacular. Anque escoyeria tamien cualesquier paraisu asturianu que tenga playa.
Un llugar pa vivir
Encantame Llanera pola so situacion y la so cercania a toles partes de la nuesa tierrina, pero tamien me namora Uvieu pola so elegancia, Xixon pol so ambiente braniegu cuasi tol anu, pero ensin dulda prestariame vivir nun pueblin tranquilu con playa como por exemplu Celoriu en Llanes o tamien me llama l’atención Lluanco.
Un platu
La Fabada Asturiana ye unu de los manxares mas ricos que tenemos na nuesa gastronomia y a mi prestame pola vida!
Un postre
Tarta de quesu y lleche frito, y nun puedo escaecer los frixuelos!!
Una sablera pa pasar el dia
Siempres me presto la de Cueva, nel conceyu de Valdes, pero agora nun me perdonaria nun falar de la de Los Quebrantos, en L’Arena; vivi elli un anu y picu y, anque los oriundos nun la pisen muncho, pa min siempres va ser un llugar especial.
Un pueblin que nun podemos dexar de ver
La mio Cangas del Narcea, onde destaco les sos fiestes patronales que desborden pasion y tienen una tradicion que reclama l’atención de turistes de toes partes que cuando vienen siempres quieren repitir.
Un chigre o zona pa tomar unos culinos
El Chicote en Cangas del Narcea, qu’amas de beber bon vinu y comer mui rico nun has d’escaecer los conseyos y ocurrencies del so amu Anton.
Un parque natural pa visitar
¡Muniellos ensin dulda!!
Una fiesta a la que nun faltar
Por suerte y pola mio profesion tuvi en cuasique toles fiestes d’Asturies pero quedariame ensin dulda col Carme de Cangas del Narcea. ¡Llamame pesada pero ye que ye una fiesta mui especial!! (rises)
Un muséu pa recomendar
Prestame pola vida’l Muséu Maritimu de Lluanco y tamien el MUXA, en Colunga, que te tresllada al maraviyosu mundu de los dinosaurios.
Un momentu de la hestoria
Prestariame vivir el momentu en que Pelayo fundo’l Reinu d’Asturies cola capital en Cangues d’Onis.
Un baille pa pasalo bien
¡El Xiringuelu!!!
Una pallabra n'asturianu que te preste
¡Arbeyu!! (rises) Siempres que digo esa pallabra per Andalucia o otru llugar mirenme raro (rises) y rectifico… ¡guisantes! ¡Que sabran ellos de llinguaxe guapu y prestosu!!
Una tradicion que nun pue perdese
¡El descensu de les piragues ensin dulda!
Una espresion n'asturianu que te preste
¡Gustenme dos!! «¡Calla, ho!!» Pero la mio preferida ye «¡Vamos entamala!!»
