La hestoria del 25 de mayu de 1808 ye bien famosa. Nesta data, milenta paisanos llegaos de toa Asturies asaltaron la Fabrica d’Armes d’Uviéu y entraron armaos na capital. Tomaron l’Audiencia, allugada na cai Cimavilla d’Uviéu y, alli mesmo, constituyeron un nuevu organu de gobiernu que llamaron la Xunta Suprema.
Lo primero que fixo la Xunta Suprema foi reconocer la soberania popular, independiente del Gobiernu de Madrid y del «tiranu d’Europa». Ye dicir, Asturies declaro que «el poder, tol poder, reside y procede del pueblu» y asina lo xuraron caun de los sos componentes de la Xunta. Declarose entos la guerra a Napoleon, unviaronse embaxadores a Gran Bretaña y formose un exercitu de 30.000 hombres, al que contribuyeron tolos conceyos.
Sicasi, daque menos conocio ye’l papel que tuvieron dos muyeres, Maria Josefa Francisca Gonzalez y Suarez, meyor conocida como Marica Andallon, y Joaquina Gonzalez Garcia Bobela, alias Xuaca Bobela. Ye por eso que vamos viaxar nel tiempu y conocer la so fazaña.
Bautizada na parroquia uvieina de San Tirso, Marica Andallon yera fia de Pedro Jose, natural d’Uviéu, y d’Isabel, natural de Mieres. De moza, Marica Andallon trabayo nes tabiernes que tenia so pa na cai uvieina de Jesus y na plaza d’El Fontan. Tuvo una fia de soltera, acoyida nel Real Hospiciu y llamada Isabel Ilesias. Como sirvienta de la familia Sierra, salio de la capital asturiana y moro socesivamente en Madrid, Andalucia, Paris y Burdeos. De siguio, torno a Uviéu, onde trabayo y vivio nun establecimientu de comestibles allugau na cai del Rosal, 22. Marica Andallon gano muncha notorieda arriendes de los acontecimientos de mayu de 1808.
El dia 9 los maxistraos de la Real Audiencia d’Asturies intentaron afitar el bandu del Conseyu de Castiella que contenia la Orden del dia 2 del duque de Berg, y que dictaba midies severes escontra posibles nuevos amotinamientos de la poblacion española. A esta tentativa opunxose della xente relevante que nesi momentu ya conocia tanto la rebelion del dia 2 en Madrid como la mas recién del 5 en Xixon. Ente los que manifestaren la so oposicion atopabense diversos diputaos de la Xunta Xeneral, clerigos de la Catedral, obreros de la Fabrica d’Armes, estudiantes de la Universida, el Procurador Xeneral y el mesmu alcalde d’Uviéu. Tamién delles muyeres, ente les que destacaron Xuaca Bobela y, especialmente, Marica Andallon, que reclamaben la retirada del bandu.
La primera abandono Uviéu les cuatro vegaes que les tropes franceses ocuparon la ciudá ente 1809 y 1813. Sicasi, l’actitú de la segunda foi bien distinta. Segun paez, contribuyo a evitar el fusilamientu nel Campu de San Francisco de dellos afrancesaos el 19 de xunetu de 1808. Amas, conocedora como yera de la llingua francesa, collaboro na atencion a mancaos y enfermos mesmo españoles que franceses nos hospitales de Santa Clara y San Francisco, y tamién a les nueves acoyíes nel Real Hospiciu. El mesmu xeneral Bonet, comandante en xefe de les fuercies d’ocupacion, tuvo a puntu de facer fusilar a un soldau frances qu’intentara afrellala. En terminando la guerra, en 1814, el rei Fernando VII, tres una recepcion real, concedio-yos a ella y a Xuaca Bobela una pension vitalicia de 3 reales diarios polos sos meritos na guerra.
Atendida pola so fia y pola so nieta Felisa, Marica Andallon malvivio na cai uvieina del Mataderu hasta los ochenta y seis años d’edá, pasando la so muerte inalvertida dafechu nel añu 1848. Cuatro años enantes, pasaba lo mesmo con Xuaca Bobela. Güei, facemos reconocencia de la so valentia.
La ciudá d’Uviéu nomo una cai col nome Marica Andallon. Nesa mesma ciudá, na esquina de la plaza Cimavilla cola cai Altamirano, instalose una placa n’alcordanza del alzamientu del 9 de mayu de 1808 escontra les tropes napoleoniques, na que se fai mencion d’estes dos muyeres xunto con otros nomes importantes nel sucesu de soberania d’Asturies.
