Metrópoli Xixón, unu de los festivales de referencia del branu xixonés y asturianos yá ta de vuelta con una nueva edición y… ¡yá son 10! Dende'l próximu 30 de xunu y hasta el 9 de xunetu va haber un cientu d'actividaes nel recintu ferial Luis Adaro, onde la diversión y l'entretenimientu ta aseguráu. Si entá nun tienes la to entrada o abonu, cuntámoste tolos eventos, esposiciones y conciertos que vas poder atopar nesta nueva edición de Metrópoli. Como tamos seguros de que nun vas poder aguantate… yá te dexamos equí la oportunidá de que vaigas mercándoles. 

Empecemos polos conciertos, yá que son el gran curiosu del festival (anque, como vamos ver más tarde, nun ye l'únicu). El cartelu músical empieza fuerte dende'l primer día: Nia y Lola Índigo van xubir a los escenarios Thunder Bitch y El Águila, respectivamente, na primer nueche, la del 30 de xunu, mientres que'l 1 de xunetu va ser el momentu de Drugos, Daviles de Novelda y 3PAC. El domingu 2 de xunetu, los asturianos Tigre y Diamante y el veteranu grupu Mägo de Oz van ser los encargaos de poner la nota musical a Metrópoli, mientres que la selmana va empezar al ritmu de Kitai, Lit Killah y el fenómenu musical xixonés Enol. Una selmana que va siguir con Lágrimas de Sangre y una de les referencies del cartelu, Camela.

Pasaos l'ecuador del festival, el día 5 Huecco y los madrilanos Sidecars van demostrar la so valía nos escenarios, mientres que'l 6 de xunetu otru grupu asturianu, Muñecu Vudú, va acompañar a la, ensin dulda, cabeza de cartelu y que va enllenar el recintu, Nicki Nickole. Tres el vendaval que dexará'l pasu de l'artista per Xixón, El niño Lord.Cah, Kyr4 y M-Clan van siguir coles actuaciones musicales el vienres 7. La fin de selmana son dellos los artistes que van poner el broche al festival de referencia del branu xixonés. Per una parte, el sábadu va ser la vez de Nanpa Básico y de los granadinos Ayax y Prok. La nueche del domingu va ser la de la clausura del festival y, como nun podía ser d'otra manera, Fusa Nocta, Ramudo y la fiesta Bresh van facer los honores. 

Sicasí, Metrópoli Xixón nun ye namás música. Trés son les esposiciones que vas poder visitar: ‘Fantasía, Mundo de Sueños’, Selfie Museum, Triunfando en DC Comics y Retro Toy Cars, amás de la Tattoo Expo. Pero tampoco Metrópoli acaba equí, va volver la Comic Con cola visita d'autores y actores, youtubers, esposiciones… y Metropolitanes, la sección más feminista del festival.

A too ello ha sumase la Zona Gastro, la zona d'hostelería, market, zona infantil… Y muncho más en Metrópoli Xixón, el festival onde vas atopar siempres un espaciu pa la diversión y l'entretenimientu. ¡Cuerri y merca les tos entraes, que s'acaben!