El programa La Caxa de Pandora, publicáu na canal de YouTube Play Empresta, ta dedicando la so última temporada a amosanos la guapura de diversos puntos del territoriu européu al traviés de los viaxes de los sos collaboradores.
Jorge, unu de los sos collaboradores llévanos de ruta al traviés d'un pequenu paséu por dellos requexos del so pueblu, Santolaya de Vixil, nel conceyu Siero. Con ello, vemos llugares como la Fonte Robléu, onde les muyeres llavaben la ropa o'l Palaciu de la Torre de los Vigil.
Y ente que Marina y Guille enseñen ciudaes como Brno, París o Budapest, Jorge sigue enseñando la guapura d'Asturies con otros llugares como la ruta de les Foces del ríu Infiernu. Porque nun fai falta dir bien lloñe pa esfrutar de sitios impresionantes.
Equí vos dexamos los videos nos qu'apaez Asturies:
