Fernando Alonso

Fernando Alonso Díaz ye un pilotu d'automovilismu asturianu nacíu na ciudá d'Uviéu. Alonso empieza a conducir un kart que'l so pá regaláralu a la edá de 3 años y dende bien pequeñu empieza a destacar nes categoríes inferiores. Los sos entamos en Fórmula 1 fueron col equipu Minardi nel añu 2001 siendo un de los pilotos mas mozos. Nun tardó enforma en collechar los sos primeros ésitos, nel añu 2005 consigue conquistar el primeru de los sos dos títulos mundiales consecutivos. Alonso tiennos avezaos a grandes ésitos como la so victoria nes 24 hores de -y Mans y Daytona.

Raúl Entrerríos

Raúl ye un xugador internacional de Balonmano que nació nel barriu de Contrueces na ciudá de Xixón. Anguaño milita nel FC Barcelona. Tien un ampliu palmarés de títulos que van dende 8 medayes en competiciones internacionales destacando dos europeos y un mundial cola selección española. Col so club, Raúl ganó les caberes 10 ediciones de la lliga ASOBAL y  dos Champions. Nel aspeutu personal Raúl ta consideráu un de los meyores xugadores de la lliga ASOBAL ganando'l títulu al meyor xugador na posición en 8 ocasiones.

Luis Enrique

Luis Enrique Martínez García ye un exfutbolista y entrenador d'español qu'anguaño dirixe a la selección Española.

Como futbolista Luis Enrique debutó nel Sporting de Xixón nel añu 1989, amás d'esta camiseta tamién vistió la elástica del Real Madrid hasta que se retiró nel añu 2004 nel FC Barcelona. Tocantes a títulos Luis Enrique ganó 3 lligues y 3 copes del Rei.

Como entrenador Luis Enrique tuvo una trayectoria bien esitosa dirixiendo a la Roma, al Celta y al FC Barcelona, n'esti últimu consiguió ganar 2 lligues, 3 copes del Rei y d'últimes el so mayor titulu: una lliga de campeones. Anguaño dirixe a la selección Española y ta embarcáu na preparación de la Eurocopa.

Pablo Carreño

Pablo ye un tenista xixonés qu'anguaño ocupa'l ranking 15 de la ATP. Empezó la so trayectoria nel Real Grupo Covadonga enantes de movese al prestixosu Club de tenis Barcelona a la edá de 15 años. El so debú nel circuitu profesional foi nel Conde de Godu. Un de los sos mayores afitaos deportivos ye la Semifinal del Abiertu d'EEXX nel añu 2017 y 2020 y la final nel añu 2016 na modalidá de dobles.