La esposición «Lejos, Cerca». Normalización de la vida cotidiana. África Central-Asturies” axunta fotografíes (dataes ente 1930 y 1980) del Arquivu Fotográficu de Prensa de Buea (Camerún) y del Muséu del Pueblu d'Asturies, de colecciones privaes de Belmonte y Somiedu y de colecciones privaes de Burundi. L'amuesa xuega cola idea de diferencies y semeyances ente dos sociedaes. Equí l'asturiana, principalmente la sociedá rural, ellí la sociedá centroafricana. Normalizar la visión d'otres persones, atopar el llugar común de la especie humana ye l'oxetivu últimu d'esta amuesa fotográfica.

Les fontes asturianes proceden: del refechu arquivu del Muséu del Pueblu d'Asturies y d'arquivos privaos de families de mozos y moces del Colexu Públicu de Balmonte. L'arquivu de prensa de Buea de Camerún, recuperáu y salvaguardáu por African Photography Initiatives, ye una repasada de la vida social y política del Camerún anglófono ente 1955 y 1980, al traviés de 35.000 negativos. 

Por mui diversos que seyan los sos oríxenes, les semeyes tán xuníes pol pasáu como llugar d'alcordanza que decoráu con imaxes ye bono de compartir con otres persones. 

Pero la esposición non yá trata del pasáu como un llugar común sinón tamién d'un llugar común nel sentíu d'un tropu visual compartíu, de la trivialidad (ensin sentíu peyorativu) de les convenciones fotográfiques de representación. Pos, asina como la semeya inventóse casi simultáneamente en distintos llugares, les semeyes, o na forma en que representen daqué, son similares en tol mundu. Y al traviés d'elles, amás, vemos que la vida cotidiana de les persones, ellí onde nacieren, ye similar tocantes a les sos necesidaes cotidianes, a les celebraciones del pasu nos ciclos de vida, les sos aspiraciones.

Les semeyes atrai pola so poder, la so capacidá d'estelar, confundir o reconciliase consigo mesmes, pero namás en cuenta de la observación y del tiempu que-y da forma.

La esposición ta realizada en consorciu ente l'Asociación Matumaini, African Photography Initiatives, el sofitu del Muséu del Pueblu d’Asturies y el financiamientu de l'Axencia asturiana de cooperación al desenvolvimientu.