La Plaza Mayor de Xixón va acoyer mientres la próxima fin de selmana (sábadu 18 y domingu 19 de setiembre) el IX Certame de Quesos Asturianos que va tener llugar de 11:00 a 15:00 pela mañana y de 17:00 a 21:00 pela tarde.

Nel certame van participar alredor de 20 productores de distintos puntos de la xeografía asturiana, amás de dos queseríes convidaes: Don Gabino DOP San Simón Da Costa (Lugo) y Quesos Guara (La Almunias, Huesca) y la quesería Montequesos (Valladolid). Les cuatro DOP asturianes van tener representación nesti certame: DOP Queso Cabrales (Quesería Asiegu), DOP Queso de Gamoneu (Quesería d’Onao ya Quesería Priedamu), DOP Queso Casín (Quesería Ca’Llechi), DOP Quesu afuaga’l pitu (Quesería El Viso, Quesería Ca Sanchu, Quesería Temia ya Quesería Rebollín), amás de la IGP Queso de los Beyos (Quesería la collada). Amás d'once queseríes qu'ellaboren quesos artesanos que podríamos denominar d'autor, pos solamente una quesería ellabora esi Quesu: Ovín, Bedón, Vidiago, Castañeu de Vega, La Saregana, Los Caserinos, Porrua ya Picu Urriellu.

Como no se pueden realizar actividades para dinamizar el certamen como en años anteriores ( talleres infantiles, catas de queso, maridajes, concurso infantil de pintura…etc) este año habrá una exposición de los quesos que elaboran las queserías que asisten al Certamen: CADA OVEJA CON SU PAREJA- “QUESERÍAS Y QUESOS”.

Esti eventu (que recueye anguaño yá la so novena edición) sirvi como reconocencia a los ellaboradores y productores que los sos procedimientos artesanos formen parte de la nuesa cultura, calteniendo, ensin dexar de mirar al futuru, la tradición del quesu n'Asturies. Una tradición bien enraigonada, yá que nun tenemos d'escaecer qu'Asturies ye la rexón con más tipos de quesos distintos d'Europa (y de los primeres del mundu), con más de cuarenta tipos distintos de quesos artesanos.

El certame ta entamáu pola Asociación de Queseros Artesanos del Principáu d'Asturies, una asociación ensin ánimu d'arriquecimientu,  fundada nel añu 1991 qu'apigura más de 40 productores de quesos con ellaboración totalmente artesanal,  refugando dafechu l'empléu de subproductos de lleche o conservantes artificiales y coles mires de representar y defender los intereses de los sos socios, amás de poner en marcha un sistema de certificación del quesu que garantice al consumidor el nivel calidable al que'l cielu la boca asturianu ta yá avezáu.

Nesti IX Certame de Quesos Asturianos, vamos poder ver na Plaza Mayor de Xixón de barganal, cómo'l trabayu de tolos queseros dio'l so deliciosu frutu. ¡Un esfrute para los güeyos y el cielu la boca que nun puedes perdete!

Llugar: Plaza Mayor de Xixón

Fecha: 18 y 19 de setiembre

Hora: De 11:00 a 15 y de 17:00 a 21:00