Alicia Salcedo ye la nuesa pionera de güei dempués de Julia Alcayde y les muyeres mineres, nun mes, el de marzu, que dedicamos a conocer la hestoria de muyeres pioneres na hestoria d'Asturies.
Alicia Salcedo nació en 1903 na capital asturiana y se la conoz como la primer muyer asturiana abogada. Llicencióse na Universidá d'Uviéu con escelentes calificaciones.
El padre y los tíos d'Alicia yeren tamién abogaos, de quien-yos vieno la vocación pol derechu. Alicia, fixo los sos estudios de Bachiller y matriculóse en Derechu na Universidá d'Uviéu. Asina, llogrando unes bien meritories calificaciones académiques na rama de penal, dedicando parte de la so vida a esta especialidá.
Nel añu 1935 incorporóse nel colexu d'abogaos d'Uviéu, lo que la convirtió nuna pionera d'esta actividá n'Asturies, yá qu'hasta entós nun se conocía a nenguna muyer nun puestu de tal calibre. Salcedo solicitó la so incorporación siendo almitida en calidá de colexada col númberu 287.
Exerció esta profesión durante dos décades, calteniendo a la par una intensa actividá cultural ya intelectual, dexando buelga na hestoria de les muyeres asturianes.
