El pasáu llunes 25 de xineru empezó'l rodaxe de la que va ser la nueva película de Santiago Segura: ¡A todo tren! Destino Asturias. Una película que, como indica'l títulu, va cuntar con Asturies como escenariu de bona parte de la so trama.
Con esta película Segura vuelve dirixir y protagonizar una comedia familiar, como yá lo fixera cola taquillera Padre no hay más que uno, asina como cola so secuela. Va dir de nuevu de la mano de la guionista Marta González de Vega, destacada guionista canaria qu'amás de participar nos guiones de Padre no hay más que uno, tamién destacó n'otros trabayos en guiones de cine (Sin Rodeos), series de televisión (Con dos tacones, Pequeñas coincidencias), programes d'humor (La hora de José Mota, El club de la comedia) y obres de teatru (5mujeres.com, De Caperucita a loba en solo seis tíos), y una amplica esperiencia en guiones de comedia.
En ¡A todo tren! Destino Asturias Santiago Segura y Lleo Harlem van interpretar a un pá y a un güelu encargaos de llevar al so fíu y a los sos amigos al campamentu. Pero cuando'l tren arrannca ensin ellos y colos neños solos dientro, va empezar una esbarriada persecución per parte del padre y del güelu pa llegar al tren, y un allocáu viaxe per parte de los neños onde van faer toles trastaes que nun s'atrevíen a facer delantre de los mayores.
La película ta realizándose cola collaboración de Turismo Asturies, amás de cola Asturies Paraíso Natural Filme Commission, como una forma de promocionar Asturies como destín turísticu. Va cuntar, amás de con Santiago Segura y Leo Harlem, con David Guapo, Sirena Segura, Florentino Fernández, Luna Fulgencio ente otres munches cares conocíes.
Énte esti nuevu rodaxe, Santiago Segura aseguró que “un nuevu proyectu cinematográficu siempres ye ilusionante, pero entá ye más si esi proyectu déxate rodar nun sitiu tan espectacular y atopadizu como Asturies”.
L'estrenu d'esta película ta programáu pal branu de 2021.
