Ruta del Cares

La ruta del Cares ye una de les rutes más famoses d'Asturies y razones nun-y falten, con una estensión de 24 km día vuelta xune'l pueblu de Poncebos n'Asturies col pueblu de Caín en Castiella y Llión. El percorríu trescurre bordiando'l gargüelu del ríu Cares que se fai pasu ente los Picos d'Europa, creando una atmósfera bien especial.

Tocantes a la so hestoria usábase como unión ente estes dos localidaes siendo'l camín más curtiu y l'única forma de camín na dómina de nevaes. Ye una ruta de dificultá media non indicada pa neños menores de 12 años nin pa xente con vértigu al nun disponer de barandiella escontra'l ribayu.  

Ruta del Alba

La ruta del alba ye una de les rutes más representatives de la comunidá, empieza na localidá de Sotu y tien una estensión d'unos 14 km ida y vuelta nun terrén hormigonado y ascendente. Tocantes a l'allugamientu esta atópase n'El Parque Natural De Redes, reserva de la biosfera, y va arrodiando'l calce del riu que lleva'l mesmu nome. La ruta remata nun abelugu de pastores con unes meses onde podemos folgar enantes de dar la vuelta. Mientres el regresu vamos poder camudar de percorríu y pasanos al otru llau del ríu p'asina conocer el pueblu de San Andrés y ver la ruta dende'l puntu de vista contrariu.

La ruta tien una dificultá fácil y podemos dir tantu andando como en bicicleta prácticamente tol percorríu.

Sienda del Osu

La ruta del Osu ye una sienda pensada pa esfrutar de la naturaleza pudiendo facela tanto en bicicleta como andando. La ruta trescurre per una antigua vía ferrial por onde travesaba un tren mineru siendo un de los llugares más visitaos de la nuesa comunidá. La ruta adaptase a tolos públicos pudiendo facer un percorríu d'apenes dos hores o tener otros bastante más esixentes. Nesta ruta atopa'l corralada osera de Paca y Molina que ye una infraestructura que dexa poder ver al visitante osos pardos nun ambiente de semi-llibertá. La ruta tien una dificultá baxa pudiendo facela cualquier persona.

Ruta de las Xanes

L'escobiu de les xanes ye l'hermanu pequeñu de la ruta del cares pero pa munchos ye enforma mas paisaxísticu y tien menos xente. El so nome fai referencia a la mitoloxía asturiana siendo les xanes les fades qu'habiten nos ríos y les fontes guapes. La ruta trescurre ente un escobiu y un monte especialmente formosu pel hibiernu.

Tien un percorríu d'unos 8 kilómetros con un desnivel pronunciáu que fai que la so dificultá sía media. El trayectu ye llineal pero vamos poder coyer la ruta de Valdolayés p'asina poder volver por un itinerariu distintu