El programa D'Itinerarios pel Patrimoniu ufierta 15 rutes pa conocer el patrimoniu industrial, cultural y natural asturianu hasta'l mes d'avientu. Un total de 1.819 persones participaron dende 2018 y hasta el pasáu mes de mayu nesti proyectu que busca facilitar l'accesu del públicu al numberosu y variáu patrimoniu presente en tola xeografía del nuesu territoriu.

El Camín de los Santuarios, el patrimoniu industrial y los centros museísticos asturianos tán presenten nes rutes programaes hasta final d'añu. Los participantes pueden realizar un percorríu pol Valle del Caudal, polos conceyos de Ibias y Degaña, por dalgunos de los recursos natural y turísticu d'El Franco, Navia y Cuaña o per Castrillón y el Muséu de la Mina de Arnáu. Tamién va haber itinerarios por Cangues d’Onís y Onís, con parada en Cuadonga y xubida a los Llagos; per Tapia; pol conceyu de Grandas de Salime, con visita al Muséu Etnográficu y al Muséu Castru Chao Samartín; per Cangas; por Tinéu; por Ozcos y Taramundi; por Veiga y pol Puertu de San Esteban; por Sotres y Les Arenas; pol Valle Altu de Peñamellera y el Valle Bah.u de Peñamellera; per Siero, Noreña, Nava y Piloña; y por Xixón, con visita a Llaboral Ciudá de la Cultura, Cimavilla y a la Ciudadela Celestino Solar.

Les entraes para participar en cada ruta D'Itinerarios pol patrimoniu, con places llimitaes, tienen un preciu de 20 euros o de 18 euros pa públicu infantil ente 4 y 11 años, grupos de más de 10 persones, visitantes con Pasaporte Cultural o con tarxeta del Club Cultura Principáu d'Asturies. Les localidaes pueden adquirise presencialmente de llunes a vienres na cai Manuel Pedregal, 2 n'Uviéu, y al traviés de la web. Uviéu va ser el puntu de salida y llegada d'estos itinerarios.