El Muséu de la hestoria urbana d'Avilés recueye la esposición «Guajes Mineros, la memoria de los niños del carbón»

Dende esta mesma selmana hasta'l 14 de marzu de 2021 podrá esfrutase de la esposición creada pola Fundación Obra Social de Montepío y Mutualidad de la Minería Asturiana, que cunten amás cola collaboración de distintes entidaes como Plena Inclusión Asturias, Servicio Adapta Asturias, el Muséu del Pueblu d’Asturies de Xixón, Unicef o el Archivo Histórico Minero d'Asturies.

Trátase d'una amuesa de distintes semeyes y paneles nos que se fai un repás del trabayu infantil na Asturies del pasáu. Tamién puede atopase la proyección d'un vídeu onde distintes persones mayores falen sobro cómo foi la so niñez trabayando nes esplotaciones mineres asturianes. Amás, faise referencia a la tráxica realidá de la esplotación de neños y neñes anguaño en munchos países en víes de desarrollu, al traviés d'imaxes cedíes por Unicef.

Too ello, preparóse con una presentación nun llinguaxe senciellu y accesible que foi validada por persones con discapacidá intelectual, gracies al trabayu de l'asociación «Plena Inclusión Asturias».

L'horariu pa acceder a la esposición va ser de 10.30h a 13.30h y de 16.00 a 20.00h de martes a vienres, de 11.00h a 13.30h y de 16.00h a 20.00h los sábados y de 11.00h a 13.30h los domingos. La entrada va ser totalmente gratuita y tendrán de cumplise les normes impuestes pola organización para la prevención del COVID-19 mientres la esposición.

Si quies más información, puedes acudir a esti enllaz..