La localidá de La Pola Llaviana va concentrar del 8 al 10 de setiembre los actos pa festexar el Día d'Asturies. La cultura popular y el deporte tradicional van ser los protagonistes.
Esto es lo que encontrarás en el Día de Asturies
La cai Llibertá y les víes llinderes van acoyer el mercáu tradicional, nel que participen más de 70 puestos d'artesanos y productores asturianos. Va abrir los trés díes dende les 12.00 hores.
Les exhibiciones de deportes y xuegos tradicionales van tener llugar el vienres y el sábadu nel parque de los Príncipes de 12:00 a 14:30 y de 16:30 a 20:00. La pista deportiva Joaquín Blume, allugada al llau del parque, va ser l'espaciu reserváu pa los talleres de deporte adaptáu que va impartir la Federación de Deportes pa Persones con Discapacidá Física del Principáu d'Asturies (FEDEMA), programaos de 12:00 a 14:30 los trés díes y de 17:00 a 20:00 el vienres y el sábadu.
El vienres, a partir de les 17:00 hores, va impartise nel quioscu de la música una masterclass d'echar de sidra y una exhibición de campeones. La tonada tamién va tar presente nesi mesmu allugamientu con dos conciertos de l'Asociación de la Canción y el Folklore Valle del Nalón y l'Asociación de Intérpretes de la Canción Asturiana, respectivamente: el primeru, el sábadu a les 17:30 y el segundu, el domingu a les 12:30.
Nos trés díes, va haber pasucáis del grupu folklóricu Virgen del Otero, los Gaiteros del Carbón, la Banda de Gaitas Casa de Asturias de Guadarrama y la Banda de Música de Llaviana. Tamién va actuar la Banda de Acordeones de Villoria.
La programación d'esta edición tamién inclúi una exhibición de la Unidá Canina de Rescate del Principáu, que se va realizar nel parque de los Príncipes el domingu 10 a partir de les 12.30 hores.
Amistades Peligrosas y Dixebra, y Texedor y Hevia van zarrar con dos conciertos nel escenariu de la plaza del Conceyu les xornaes del vienres y el sábado.
Programación infantil y globu aerostáticu
Otru de los encantos pal públicu que visite La Pola Llaviana va ser la exhibición del globu aerostáticu que'l Gobiernu d'Asturies contrató como soporte promocional turísticu del lema Paraísu Natural. Este realizará 50 vuelos cautivos desde el prau Nardón el vienres y el sábadu, previa reserva nel siguiente teléfonu: 902 306 600 / 985 185 860 (de 10:00 a 16:00 h).
El conciertu del grupu Cantares de… y pa neños el vienres a les 19:30 nos xardinos de Palacio Valdés, na localidá d’Entrialgo, va ser mui prestosu pa de los más pequeños con melodíes tradicionales asturianes emplegaes en xuegos y actividaes cotidianes.
Y mesmo'l sábadu que'l domingu a les 13:00, nel espaciu Xoven del CIDAN, vamos disfrutar cola compañía Tras la puerta títeres de dos propuestes teatrales diferentes cada día dirixíes a públicu infantil.
