Nes fiestes patronales de munches localidaes asturianes esiste la costume de la puya’l ramu. Esta suel realizase terminando la misa nel pórticu de la ilesia. L'encargáu de la xera, de normal el mayordomu de la confrería, va puyando una a una toles roses de pan y demás artículos que conformen el ramu ente los vecinos y asistentes a la fiesta. El dineru llográu pasa a los fondos de la confrería pa sufragar les próximes fiestes. Ta documentada dende'l sieglu XIV, anque se cree que puede tener oríxenes precristianos, similares al Erntedank alemán y otres festividaes europees venceyaes a les colleches.
La puya’l ramu ye sinónimu de la subasta que solía facese a la fin de les mises solemnes de les romeríes asturianes puyando les rosques del ramu, actu realizáu pol mayordomu de la cofradía, que colocáu sobre la pareina’l cabildru con una rosca sostenía na mano n’alto, pide preciu; preciu que va medrando adulces, a la puya, pola concurrencia hasta que’l mayordomu diz por última vez: -¿Nun hai quien dea más?... Tanto a la una... tanto a les dos... y tanto a les tres. Y a tal preciu van vendiéndose toles sabroses "rosques de pan con manteca" que tenía’l ramu y que la so ganancia va engrosar los fondos de la cofradía destinaos a sufragar los gastos de la folixa. Nes folixes celebraes n’honor de los santos patronos del campu -San Antoniu o San Isidru- los ramos tán formaos por productos agropecuarios, entregaos como ofrendes o ex-votos: pataques, maiz, escanda, embutíos, tocín, xamones, etc... tolo cual va subastándose por partes.
En las fiestas celebradas en honor de los santos patronos del campo -San Antonio o San Isidro- los ramos están formados por productos agropecuarios, entregados como ofrendes o ex-votos: patatas, maíz, escanda, embutidos, tocino, jamones, etc… Todo el cual va subastándose por partes.
