Marga Pedrayes, ñació nel barriu xixonés de Pumarín en 1970 y esta sedrá la so segunda novela. Los sos trabayos anteriores son microrrellatos de temática diversa, que fueron escoyíos en dellos concursos y la so primer novela d'ambientación histórica, “Marca Vikinga”, autoeditada en 2012.

Nesta ocasión ambienta la trama nel conceyu de Villaviciosa y sobre'l mundu de la sidra nel intre de la segunda metá del sieglu XIX y los primeros años del sieglu XX. 

La hestoria de “Baxo’l pumar” ñació va dellos años cola idea de retratar la evolución d'un pequeñu llagar familiar a lo llargo d'un sieglu y mediu. Tres dellos cambeos, Marga consideró que tendría de ser un llibru de rellatos n'asturianu, por ser l'idioma del ámbitu sidreru asturianu, onde narraren la obsesión del protagonista, Colás, por una pumarada. Esta obra foi finalista en 2016 del premiu novela “Xosefa Xovellanos”, lo qu'animó a l'autora a siguir buscando la forma d'editala. 

Esta obra foi presentada nel 2016, por impulsu, al premio novela “Xosefa Xovellanos” y quedó la séptima clasificada. Esti puestu animó-y a autu editar otra novela, y la mesma Marga Perdayes prevee que la so edición va tar llista pal mes de mayu, coincidiendo col día de les lletres asturianes. 

Pa qu'esto seya posible, la autora punxo'n marcha una plataforma de crofounding, onde puede adquirise la preventa del llibru, xuntu con otres promociones tales como marca páxines d'encaxe fechos por ella o una zapica, pa ayudar económicamente a la edición de la obra.