El ríu Guadamía ye'l puntu que dixebra los conceyos de Llanes y Ribeseya. Amás, a entrambos llaos pueden atopase unos de los cantiles más guapos de la zona oriental d'Asturies.
A un de los llaos, perteneciendo al conceyu de Llanes, atópense el Bufones de Pría. Trátase de fenómenos naturales formaos pola erosión del mar y l'agua na roca caliza de la que se formen los cantiles. Esto da llugar a resquiebros y chimenees que conecten el mar cola tierra. El golpe que producen les foles colos cantiles fai que s'espulse aire y agua a presión por estos cuévanos realizando un fuerte ruiu que puede escuchase inclusive dende'l pueblu más cercanu. Ye por eso que s'encamienta tener precuru al visitalos sobremanera en díes con muncha marexada. Esiste una ruta qu'empieza y remata nel pueblu de Llames de Pría, por aciu la que puede aportase a el bufones caminando, yá que nun puede aportase en coche hasta ese mesmu llugar.
Al otru llau, esta vegada nel conceyu de Ribeseya, tán los cantiles de Cuerres. Cunten amás con una guapa y cuidada área recreativa que cunta con numberoses meses pa poder pasar una guapa xornada nesta redolada. Dende esti llugar pueden vese los cantiles y bufones de Pría dende otra perspectiva. Nesti casu puede llevase el coche hasta esta área anque nun dispon d'un gran númberu de places d'aparcamientu.
Quepe destacar tamién qu'ente dambos llugares, atópase la sablera de Guadamía. Ye característica yá que tien forma de canal estrecha y arrodiáu de grandes cantiles. Por esta razón ta bien protexía del mar y ye bien segura pal bañu.
