Anque Asturies foi siempres un escenariu perguapu escoyíu dende va años por dellos cineastes y directores de series de ficción, entá nun teníemos asomáu’l focicu per Netflix… pero eso ta a piques de cambiar. Estes selmanes atrás y, si l’andanciu nun lo impide, hasta entamos d’avientu, ta rodándose n’Asturies “Alma”.
La serie, que ta previsto que llegue a Netflix l’añu 2021, traxo a Asturies a un equipu d’ochenta persones, ente los que destaca’l director de la serie: l’ovetense Sergio Gutiérrez Sánchez. El rodaxe entamó n’Uviéu va unes selmanes, nes piscines del parque del oeste, pero tien previsto rodase nunes cuarenta localizaciones d’Asturies. Dalgunes de les localizaciones confirmaes pa ser parte del escenariu de la serie ye la sablera de Porcia, nel conceyu de El Franco, la de Moniello en Gozón y en conceyos como Xixón, Uviéu, Ribeseya, Casu y Valdés.
“Alma” cuenta la hestoria d’una moza que sobrevive a un accidente d’autobús nel que muerren toos los sos compañeros. Tres esto, despierta nun hospital ensin ningún recuerdu de la so vida. A partir d’ehí Alma entama un viaxe nel que tien que descubrir los sucesos qu’ocurrieren enantes del accidente, conviviendo con delles visiones que nun entiende, fechos sobrenaturales y la sospecha de que tol mundu-y miente. Esta moza lluchará escontra too esto pa que nun desapaeza la so identidá.
Sergio Gutiérrez Sánchez nos ofrecerá esta historia que promete combinar suspense, terror y emotividad, a lo que nos tiene acostumbraos con otros trabajos suyos como “El Orfanato”, del que fue guionista, o “El Secreto de Marrowbone”, que escribió y dirigió.
