Cada selmana vas poder atopar en VerAsturies.com les recetes llambiones de la escritora Beatriz Rato.
P’hacia dieciséis almendraos: 300 gramos d’almendres molíes, 250
gramos d’azucre, 3 clares de güevu, oblees.
Mecer tres cuyaraes del azucre coles clares batíes a puntu ñeve
fuerte y, por otru lláu, el restu del azucre coles almendres molíes. Añadir a la
pastia de les
almendres la de les clares; como la masa nun tien que ser mui floxo,
quiciás sobre un pocoñín de la miesta d’azucre y clares.
Tayar les oblees en cérculos d’ocho o nueve centímetros de diámetru y
echar perriba de caúna d’elles una cuyarada grande de pastia. Asitiar nuna
bandexa del fornu y, en preparándoles pa meter a cocer,
espolvoriar un poco con azucre.
Cocer nel fornu a 210 graos primero diez menutos
col fueu cimeru del fornu elléctricu y depués otros diez menutos col fueu
d’embaxo. Tienen de tar turriaos.
