La Plaza Nueva de Ribeseya va acoyer mientres el próximu sábadu 23 de xunetu la XVIII Feria de los Quesos Artesanos d'Asturies, que va tener llugar de 10:00 a 15:00 pela mañana y de 17:00 a 21:00 pela tarde.
Na feria van comercializase y va haber una cata d'alredor de 20 queseríes que van ufiertar los sos meyores y más deliciosos productos artesanos a tol que quiera pasase polos sos puestos. Como cada añu, podrán vese les queseríes y les denominaciones d'orixe con más sonadía d'Asturies n'una feria especial, non yá por cumplir yá la mayoría d'edá, sinón porque va ser el primer festival del so nuevu presidente, el llaniscu Aurelio López. Estos son los quesos y les queseríes que van tener representación nel festival:
Quesería Collera (Quesu Vidiago)
Quesería Ca’ Sancho (Quesu afuega’l pitu)
Quesería Rebollín (Quesu afuega’l pitu)
Quesería Temia (Quesu afuega’l pitu)
Q. Alejandro Casielles 1913 (Quesu Castañéu de Vega)
Quesería Ovín (Quesu Ovín)
Quesería Porrúa (Quesu Porrúa)
Quesería Toriello (Quesu Gamonéu)
Quesería Asiegu (Quesu Cabrales)
Quesería La Peñona (Quesu afuega’l pitu)
Quesería Ca Llechi (Quesu Casín)
Quesería Rey Silo (Quesu Rey Silo)
Quesería La Chivita (Quesu La Chivita)
Quesería Picu Urriellu (Quesu Picón)
Quesería Vega de Ario (Quesu Gamoneu)
La Saregana (Quesu El Duernu)
Quesería d’Onao (Quesu Gamonéu)
Quesería Priédamu (Quesu Gamonéu)
Quesería La Casa Vieya (Quesu Gamonéu)
Esti eventu sirve como reconocencia a los ellaboradores y productores que los sos procedimientos artesanos formen parte de la nuesa cultura, calteniendo, ensin dexar de mirar al futuru, la tradición del quesu n'Asturies. Una tradición bien enraigonada, yá que nun tenemos d'escaecer qu'Asturies ye la rexón con más tipos de quesos distintos d'Europa (y de los primeres del mundu), con más de cuarenta tipos distintos de quesos artesanos.
El certame ta entamáu pola Asociación de Queseros Artesanos del Principáu d'Asturies, una asociación ensin ánimu d'arriquecimientu, fundada nel añu 1991 qu'apigura más de 40 productores de quesos con ellaboración totalmente artesanal, refugando dafechu l'empléu de subproductos de lleche o conservantes artificiales y coles mires de representar y defender los intereses de los sos socios, amás de poner en marcha un sistema de certificación del quesu que garantice al consumidor el nivel calidable al que'l cielu la boca asturianu ta yá avezáu.
Non te pierdas el festival más ricu n'unu de los meyores enclaves de Asturies. Ribeseya y el quesu nacieron para dir de la mano.
