Va yá unos díes que’l Muséu Etnográficu del Oriente d’Asturies xunto cola Asociación Cultural Llacín organizó una tradicional esbilla, aprovechando que’l tiempu nel oriente ameyoraba y daba tregua pa facer estes xeres. Nesta actividá, pudo vese parte de les acciones que conlleven la esbilla, na que se corta y se cueye’l maíz nel peazu de l’Eria. Amás d’esto, colocóse al día siguiente na finca de Llacín xunto al Muséu les gavielles de maíz y esa mesma tarde tuvo llugar la esbilla y peresbilla, onde se pudieron ver xuegos, cantares tradicionales, taller de danza y espicha.
La esbilla ye una actividá desendolcada a la fin del branu y la seronda, cuando’l maíz yá ta seco, onde les persones se reúnen pa esfoyar les panoyes. Ye una actividá tradicional del mundu rural que va perdiendo puxu a dulces, pero con xornaes como esta, l’oxetivu ye caltener esta tradición al rodiu del mundu rural.
Related posts
1 Comment
Leave a Reply Cancel reply
¿Cuála ye la meyor playa d'Asturies?
Newsletter
* ¡Vas recibir les últimes novedaes culturales y d'ociu n'Asturies!
[…] Fonte noticia: Ver Asturies […]