David Arango ye unu de los meteorologos mas conocios d’Asturies. Diba pa capitan de barcu y la meteoroloxia diba usala como un elementu mas de la navegacion, pero la vida llevalu per otros caminos. Con el falemos de les sos recomendaciones pa Conocer Asturies.
Un llugar pa perdese una fin de selmana
Una cabana nos Picos d’Europa. Soi de les persones que piensen que ta mui bien conocer munchos paises pero qu’enantes d’eso hai que conocer lo que tenemos alredor, nesti casu n’Asturies.
Un llugar pa vivir
Onde vivo, nel campu, en Castrillon. Prefiero’l pedreru. Pase la mio adolescencia nel pedreru del camping d’El Rinconin, en Xixon, poro tien pa min un valor sentimental grande.
Un pueblin que nun podemos dexar de ver
Sotres ye para min dalgo de lo mas guapo que tien Asturies. Col tiempu voi terminar teniendo una cabanina elli de xuru. Ye un balcon de los Picos d’Europa en meta de los Picos d’Europa. Caleyar pel pueblu o dar un paseu pel camin que xunta Sotres y Tielve, un dia d’iviernu, colos cantos nevaos ya llueu comer quesu Cabrales y una botellina de sidra ye un placer mui baratu.
Un chigre pa tomar unos culinos
Como bon asturianu, namas que sal el sol, busco asoleyar. Prestenme muncho los merenderos y en Xixon el mio merenderu preferiu ye Casa Segundo, onde se xinta riquisimo y tienen una sidra casero que ta de restallu.
Un platu
Calderada de pescaos del pedreru con pataques.
Un postre
Una mazanina asturiana.
Una sablera pa pasar el dia
La de Munielles, en Bayas, nel conceyu de Castrillon.
Un parque natural pa visitar
Les viesques del Parque Natural de Redes na seronda, paecenme un espectaculu de visita obligada una vegada al anu.
Una fiesta a la que nun faltar
Va dos anos que voi a la Nueche Celta de Granda, en Xixon, y prestame muncho, pol ambiente y pola musica en directo. Tengo munches ganes de dir a la fiesta qu’organiza Rodrigo Cuevas en Vegarrionda, Pilona.
Un museu pa recomendar
Hai poco conoci’l Museu de la Sidra en Nava y esfrutelu muncho. Ye una visita mui guapa y amas pue completase dempues con unes botellines de sidra nos llagares qu’hai nel conceyu.
Un momentu de la hestoria que te prestaria vivir
Prestariame tar na cordada de Pedro Pidal, Marques de Villaviciosa y de Gregorio Perez «El Cainejo» na primer ascension al Picu Urriellu, en 1904. Tar nesi abrazu que se dieron el Marques y el Cainejo nel cantu d’El Picu prestariame abondo.
Un baille pa pasalo bien
Na casa de mio ma, pa que suene a folixa de les bones, tienes que dicir baille, porque si non nun apetez tanto dir. Dende guah.e’l Carmin de la Pola foi la folixa de tol grupu d’amigos de la mio infancia en Xixon y paez que llega esi dia y apetez volver a xuntanos toos elli.
Una pallabra n'asturianu que te preste
Seliquin, y nun m’entrugues el porque, pero tien una fonetica que me paez preciosa.
Una tradicion que nun pue perdese
Facer la sidra casero. Hai tantes que tan perdiendose… ye una pena. A min prestariame muncho deprender bien, porque faigolo fatal, a segar cola gadana y abrunar curioso.
Un refran o espresion asturiana que te preste
«La cabra col viciu, da col cuernu en culu». Diciala mio guela munchisimo y ye tan actual, que yo repitola a toes hores.
- Conceyu
- Castrillón · Xixón
- Sección
- Personalidaes
- Fecha
