Falamos con Arantza Margolles: «Pal que nun quier, tengo yo muncho»

Arantza Margolles (Xixon, 1982) ye hestoriadora pola Universida d’Uvieu y arqueologa pola Universida Autonoma de Madrid. Collaboradora habitual d’El Comercio, TPA —onde presento «Historias y Misterios»—, RPA o PlayPresta, onde presenta «Croniques ocultes».

Un llugar pa perdese una fin de selmana

Unu nel que nunca pase un fin de selmana, pero nun sedra por falta de ganes: dende que visite Santalla d’Ozcos y quede ablucada pola so belleza, tengo ganes de dir a pasar unos dies. Impresionante.

Un llugar pa vivir

Tengo vivio en llugares tan distintos como Madrid, Olomouc —na Republica Checa—, Uvieu… y, a la postre, siempres acabo volviendo a Xixon. Supongo que esa ye la definicion del llar: el sitiu al que nunca te duel regresar. Anque lo mesmo me pasa con casi tolos sitios. ¡Garro cariño a casi toos!

Un platu

Dicen que la memoria y les querencies influyen munchu nos gustos culinarios y asina ye nel mio caso. Quedome colos «fideos» de mariscu que facia mio madre y les croquetes de guielita Marisol. Y ya tenemos un menu completu fechu d’arrecachinos de recuerdos.

Un postre

Les bollines de bisguiela Carmen y la tarta de moka de bisguiela Nora. Bono, y tampoco-y faigo ascos a un bon quesu Gamonéu.

Una sablera pa pasar el dia

Al llau mesmu d’Aguilar ta la sablera de Veneiro —guei Xilo, que non «Silo», como apaez nos cartelos—, que recibe esi nome d’un crime que conmociono Muros en 1913.

Un pueblin que nun podemos dexar de ver

Ehi nun soi imparcial. Borines, en Piloña, que ye’l mio… y tamien un de los mas guapos que conozo.

Un chigre o zona pa tomar unos culinos

Ensin dulda, el «Tar d’abaxu», en Cimavilla, Xixon. Bona sidra, bon tratu y un ambiente autenticu con cocina bien cuidada. Anque vos confieso que yo soi mas de cerveza…

Un parque natural pa visitar

Non solo pola guapura que tien, sinon tamien pola hestoria que lleva detras, el de Picos d’Europa, fundau por Alfonsu XIII. Mira, dos vegaes que sal esi nome ya, ¡colo republicana que soi yo!

Una fiesta a la que nun faltar

Si ye grande, El Carme de Cangas. Pero creo qu’hai de promocionar tamien les pequeñuques, que tantu esfuerciu-y cuesten a los vecinos de cada sitiu pa caltener viva la tradicion. Y d’eses quedome col San Roque de Borines, o con una qu’oxala vuelva: el Carme de Sanesteban.

Un muséu pa recomendar

L’Arqueoloxicu d’Asturies, n’Uvieu. Anque l’Archivu Historicu d’Asturies ye tamien un muséu en si mesmu. ¡Tanta hestoria detras de les sos paredes!

Un momentu de la hestoria

Del pasau m’alcuerdo dalgun qu’otru, pero hai unu qu’espero vivir nun futuru non mui llonxano: que ye la oficialida de la llingua asturiana.

Un baille pa pasalo bien

Soi arritmica, patosa y hortera con esto de baillar. Como’l deporte, gustame mas velo d’espectadora. Prestame muncho’l Xiringuelu de Naves.

Una pallabra n'asturianu que te preste

Una de la que me cuesta buscar traduccion en castellanu: espoxigar.

Una tradicion que nun pue perdese

¡Taríemos falando, desgraciadamente, tantes hores de tradiciones que corren riesgu de perdese! Por eso me paez tan guapu’l llabor de grupos como Xeifu, que recuperaron la mazcarada de los aguilandeiros de San Xuan de Villapañada fai ya unos anos. Oxala mas xente asina.

Una espresion n'asturianu que te preste

Pal que nun quier, tengo yo muncho.