Cola llegada de la primavera empiezan lo que n’Asturies conocemos como «Les espiches». El orixe de esta tradición surge del momentu de catar la sidra tres los meses de fermentación. Los dueños de los llagares invitaban a los vecinos pa probar la sidra y col tiempo esti acto foi arraigándose cada vegada más a nuesa cultura. Por otra parte el término «espicha» proviene del palo que se usaba pa abrir les pipes de sidra cuando ya taba lista pa consumir, el cual recibe esti nombre.
Esta costumbre asturiana solo dura alrededor de dos meses, de aproximadamente el 19 de marzu a principios de mayu. El fechu de que comience en esti período nun ye casualidá, sinón que ye la época na que se abren o «espichan» los toneles de sidra tres los meses de fermentación. Si ta fuera de esti período nun pue considerar espicha.
Sobre’l llugar, nos postreros años esisten dos tipos d’espiches:
- En primer llugar ta la espicha tradicional. Esta suel entamar en recintos particulares que cunten con llagar, de normal en pueblos. Nestos recintos los propietarios acondicionen una zona, de normal un xardín, con meses y sielles pa que la xente vaya a xintar.
- De segundes, tán les espiches qu’últimamente dellos restoranes tán celebrando. Estes son de calter más formal.
En cuanto al menú, nun hai primer platu nin segundu, sinón una amplia variedá d’alimentos como: chorizu, tortiella, llacón, embutíu, empanada, quesu, pataques, güevos cocíos, etc. Y por supuestu de beber sidra (mesma del llagar onde vaigamos), anque siempres se dispón d’otru tipu de bébores.
Poro, llamamos espicha a la xunta, tanto con familiares como con amigos, que cunta coles anteriores característiques mentaes. Una espicha nun ye una comida o un llugar, sinón una tradición.
Conoz otres tradiciones asturianes como’l amagüestu, equí en VerAsturies.
