Asturies ye un paraisu de naturaleza, pero tamien de minerales. El carbon foi unu de los principales pegollos nos que se sostuvo la economia de la comunida mientres los sieglos XIX y XX. Sicas, la riqueza estrayida de les entrañes de los montes asturianos non siempres fueron abondo pa cubrir les necesidaes de la poblacion. La fame taba a la orde del dia y munchos asturianos decidieron facer les maletes en busca d’un futuru meyor. Munchos d’ellos tornaron convertios n’indianos. Esti apellativu ye la denominacion coloquial cola qu’entuavia anguano sigue conociendose a los emigrantes asturianos que tornaron d’America en faciendo una fortuna. Al so regresu, llevantaron les ya conocies casones indianes, autenticos palacios que chisquen la xeografia asturiana y que tienen el so maximu esponente na marina oriental asturiana.
Ribeseya ye un bon exemplu d’ello. Na so capital asitiase’l barriu residencial del Arenal, una zona residencial nueva impulsada pola Marquesa d’Arguelles y diseñada por Dario de Regoyos Molenillo a principios del sieglu XX. Un enanche de la villa formau por decenes de construcciones alliniaes a lo llargo del paseu maritimu y onde destaquen les casones d’estilu colonial y vistosu, descomanadamente afataes. Equi atopase Villa Rosario, un centenariu palacete reconvertiu anguano n’hotel y nel que s’alcuentra una preciosa escalera tallada en madera macizo de zrezal. Unos anos antes llevantose, tamien nesta zona, el xale de los Marqueses d’Arguelles. Foi la primer construccion d’estes caracteristiques de la zona. Llama l’atención pola so destacada torre esquinera afatada con motivos florales y na que lluz l’escudu de los Bernaldo de Quiros.
Les cases d’indianos son les autentiques protagonistes nel paseu maritimu y conformen unu de los conxuntos arquitectonicos mas guapos d’Asturies. Bona parte de la so hestoria cuntase nel Muséu del Territoriu. L’equipamientu, que percuerre al travies de maquetes, semeyes y documentos la hestoria de Ribeseya dende los sos orixenes hasta los anos 30 del sieglu pasau, recueye’l tresformamientu de la villa, con especial enfotu na ciudá-xardin desenvuelta nel antiguu arenal de Santa Marina. La eleccion del edificiu qu’acueye esti espaciu nun ye casual. Tratase d’una antigua escuela d’orixe indianu centrada agora en dar a conocer la complexida y riqueza patrimonial del conceyu de Ribeseya. Un viaxe al pasau nel que repasar d’una gueyada la hestoria d’un conceyu pioneru nel turismu.
