¿Conoces la lleenda de San Xurde y el dragón?
Dende’l sieglu IX, la fascinante historia de cómo San Xurde mató a un dragón dio orixe a innumerables cuentos populares europeos.
¿Por qué San Xurde ta rellacionáu col Día del Llibru?
Por una feliz coincidencia, la festividá de San Jorge ye el 23 de abril y el Día del Llibru celébrase en España en esa fecha dende el añu 1931 y en too el mundu dende 1995.
¿Por qué celebramos agora San Xurde n’Asturies?
Na nuesa tierra, dellos lleendes rellacionen al santu caballeru col cuélebre, la criatura mitolóxica asturiana. Quiciabes la más conocida seya la de Zalón (Ayande), onde cuenten que San Xurde, ayudáu por unos monxos martirizaos pol cuélebre, preparó una rosca de pan enllenándola d’alfileres y piedres en caldia qu’aventó a la boca de la bestia mientres-y clavaba una llanza.
¿Y si xuntamos la lleenda de San Xurde col Día del Llibru n’Asturies…?
Pa esti 2026, el Gremiu d’Editores d’Asturies en xunta col Gobiernu del Principáu d’Asturies y los sectores de la panadería y pastelería, la confitería artesana, la producción de miel autóctono, el comerciu, les biblioteques públiques y les llibreríes asturianes proponemos da-y una forma nueva a estes tradiciones: rellacionando los llibros cola “rosca de San Xurde”, un deliciosu productu creáu a costafecha pa esti día siguiendo recetas tradicionales del país.
