La playa de A Mixota ye una escapada perfecta, tanto si vas n’iviernu como si prefieres visitala pel branu y somorguiate nes agües del Cantábricu. Esta sablera, asitiada nel conceyu de Tapia ye una ayalga de la costa del occidente, la zona más desconocida d’Asturies. Tanto esta como otres delles sableres del conceyu tapiegu tienen fama internacional, sobre manera ente los surfistes, yá que les agües fríes de la costa del occidente faen d’abellugu mientres tol añu. Amás, nun ye ún de los llugares con mayor masificación, polo que vas poder tar bien tranquilu, yá seya pasiando viendo les islles Pantorgas, el isllote que divide en dos la playa o bien dando un bañu.
Esta sablera ta bien pronto del pueblu de Serantes y Villamil, y si quedes con más ganes d’enllenate d’arena, nos alredores hai otres delles sableres, como la de Santa Gadea, Penarronda o Porcía, ente otres.
Amás d’estos llugares naturales, pronto d’equí podemos esfrutar d’otres delles xeres bien interesantes. Ún d’ellos ye’l puertu de Tapia, la capital del conceyu y que s’impulsó col sofitu del marqués de Casariego nel sieglu XIX, mientres qu’otra opción ye pasiar pelos miradores asitiaos a lo llargo de la costa que baña la villa y visitar la islla del faru, constryíu nel 1859 y dende puede vese en díes despexaos la mariña llucense.
Si quies escapate al occidente asturianu, nun lo duldes y esfruta d’una escapada nel conceyu de Tapia, un conceyu con bien d’hestoria, pero que ñació nel sieglu XIX.
